ایڈیسن

تھامس ایلوا ایڈیسن ہک امریکی سائنس دان تے موجد ہئی۔ ریاست اوہایو دی ہک وستی میلان اچ پیدا تھیا۔ والدین بہت غریب ہن تے اونکوں کتاباں نال بالکل وی شغف نہ ہئی جیندی وجہ توں اونکوں اساتذہ نالائق آہدے ہن تے اینہی وجہ توں اونکوں اسکول توں وی کڈھ ݙتا ڳیاـ بعد اچ گھر اچ اپݨی والدہ توں ہی تعلیم حاصل کیتی کیوں کہ اوندی والدہ دنیا اچ اوہ انسان ہئی جیہڑی اونکوں سمجھدی ہئی۔ ٻارہاں سال دا تھیا تاں ریل گݙی اچ کتاباں ویچݨ دا کم کرݨ لڳا۔ اونکوں تمباکو نوشی دے ݙٻے اچ تھوڑی جیہی جگہ ݙے ݙی ڳئی۔ کجھ عرصے بعد اوں نے اونہی ݙٻے اچ ہک چھوٹا جیہا پرنٹنگ پریس لا گھدا تے اپݨا اخبار چھاپنے لڳا۔ اتھائیں اوں نے ہک کیمیاوی تجربہ گاہ بݨا رکھی ہئی۔ بعد اچ تار برقی دا کم سکھ کے ڈاک خانے اچ ملازم تھی ڳیا۔ اتھاں اوں نے آٹومیٹک ٹیلی گراف کیتے ٹرانسمیٹر ریسیور ایجاد کیتا۔ اوں دوران ٻیاں وی کئی ایجاداں کیتیاں جنہاں توں اُونکوں خاصی آمدنی تھئی۔ اوں روپے نال نیو جرسی اچ ہک تجربہ گاہ تے ورکشاپ قائم کر گھدی۔ اوندے ایجادات دی تعداد ہک ہزار دے لڳ بھڳ ہے جنہاں سچ فونو گراف(جیں نے اڳاں چل کے گرامو فون دی شکل اختیار کیتی) بجلی دا قمقمہ، میگا فون، سینما مشین، وغیرہ قابل ذکر ہن۔ 1915ء اچ اونکوں نوبل پرائز ملا۔