ایفل ٹاور

ایفل ٹاور لوہے دے بݨے ہک مینار دا ناں ہے جیہڑا فرانس دے شہر پیرس وچ دریائے سین دے کنارے واقع ہے۔ ایندا ناں اینکوں ڈیزائن کرݨ والے گستاف ایفل تے رکھا ڳیا ہے۔ پیرس دا ایہ سب توں اچا ٹاور دنیا وچ سب توں زیادہ پہچاݨی ونڄݨ والی یادگار ہے۔ ایندی بلندی 1063 فٹ / 324 میٹر ہے۔ اینکوں 1889ء وچ مکمل کیتا ڳیا۔ اے جݙݨ توں بݨے اینکوں 200،000،000 لوگ ݙیکھ چکن۔ ایں لحاظ نال ایہ دنیا دی ہک ایسی جگہ ہے جتھاں سب توں زيادہ سیاح آ چکے ہن۔ ایندا وزن 7300 ٹن ہے۔ ایفل ٹاور انقلاب فرانس دی 100 سالہ تقریب دے موقعے تے تھیوݨ والی نمائش دے دروازے دے طور تے بݨایا ڳیا ہئی۔

حوالے