ایجادات
سائنسدان ہک ایجھے فیس بک تے کم کریندے پن جیرھا مصیبت ویلھے اپݨے صارفین سانگے مدد یعنی ہیلپ دا کم ݙیسے۔ ڈرون انسانی زندگیاں کھا ویندے، ہک ڈرون ایجھا وی ہووے جیرھا زندگیاں بچاوے یا بکھ توں مردے انسان اونکوں کھاوِن، سائنسدان ہک ایجھا ڈرون بݨیندے پن جیرھا بکھ، غربت تے افلاس دے مارے لوک لبھیسے تے انہائیں کوں خوراک پُڄیسے۔
چین ءِ چ ہک ایجھی بس تیار تھیندی پی اے جیرھی گاݙیں دے اُتوں لنگھ سڳدی اے۔ روز پڑھدوں جو موبائل سݨدے ہوئے فلاݨا شخص ریل گاݙی تلے آ ڳے یا روڈ حادثے ءِ چ گذریا ڳے، سائنسدان موبائل نال مگن رہݨ آلے بندیں سانگے ہک ایجھا موبائل آلہ تیار کریندے پن جیرھا موبائل سݨݨ آلے کوں خطرے بارے ݙسیسے۔
معذور لوکیں سانگے سائنسدان ہک ایجھی وہیل چیئر تیار کریندے پِن جیرھی معذوریں کوں چئی ودی رہسے، سستی تے پکی ہوسے، معذور بھاویں اونکوں کچے دڳ تے گھن ونجٖے تے بھاویں پتھریں ءِ چ چلاوے، وہیل چیئر اپݨے سنگتی کوں دوکھا نہ ݙیسے۔
سائنسدانیں کالے یرقان دیاں دوائیں بݨا ڳھدین، ہݨ کالے یرقان لا علاج مرض نی رہ ڳیا، ایویں شوکر سانگے وی سائنسدانیں ہک بݨاوتو لبلبہ بݨائے، اے لبلبہ ہک ڈیوائس دی شکل ءِ چ ہے جیرھا انسانی رت ءِ چ مٹھے دی ودھ گھٹ تھیندی مقدار کوں درست رکھیسے۔
سائنسدان ٻڈھے کوں جوان بݨاوݨ دے تجربے تے کم کریندن ، جانوریں تے تجربات کیتے ڳن جیرھے کامیاب تھن، ہݨ ٻڈھے بندے کوں وال کالے کرݨ تے پلاسٹک سرجری دی لوڑھ نہ پمسے، سائنسدان پریشان ءِ ن جو قدرت ولوں تریمت یا کہیں وی مادی شئے دے اندر ٻچے پیدا کرݨ جیرھی الگ مشین رکھی اے، او ول ول خراب کیوں تھیندی اے تے ویچاریاں تریمتیں سانگے مسائل کیوں پیدا تھیندن؟ سائنسدان ایندی بہتری سانگے سوچ وچار کریندے پِن۔
دماغ انسانی کمپیوٹر اے، ایندیاں ہزاراں تے لکھاں تاراں ہن، نکی جہی کتھائوں تار ہل پووے یا کوئی رڳ سُک ونجٖے تاں بندہ پاڳل تھی ویندے تے او بندہ جیرھا کہیں انسان کوں ݙکھا نی ݙیکھ سہندا او وٹے ، پتھر، ݙانگ ، سوٹا یا بندوق تے پستول چا تے بندیں کوں مریندا ودا ہوندے، سائنسدان بندے دا دماغ ٹھیک کرݨ سانگے نویاں دوائیں تیار کریندے پن، تہاݙے اساݙے سانگے اے نویں ڳال وی حیرانی آلی ہوسے جو سائنسدانیں انسانی دماغ دے 100 نویں حصے دریافت کر ڳھدن ہݨ سائنسی سوچ وچار ٻئی ودھ ویسے تے نویاں کامیابیاں ملسن۔
موسیقی نال علاج دا تاں سݨدے آیوں، سائنسدان ہݨ کھݙوݨے نال علاج دے منصوبے تے کم کریندے پن۔ ایجھے خیمے تیار تھیندے پن جیرھے آپ اے سی دا کم ݙیسن، سردیں ءِ چ گرم تے گرمیں ءِ چ ٹھڈے، خیمے دے کپڑے کوں کھنڈایا ویسے تاں سمندری جہاز لڳسے اتے ولھیٹو تاں کپڑا کچھ ءِ چ آ ویسے۔ گونگے تے ݙوریں سانگے ہک ایجھا آلہ بݨدا پے جیرھا سݨݨ دے نال نال خطرے توں وی آگاہ کریسے۔ ہندوستان دے سائنسدان ہک ایجھا چمچ تیار کریندے پِن جو مانی کھاوݨ دے بعد تُساں چمچ وی کھا ونجٖو اے چمچ پلاسٹک یا سٹیل دی بجائے کݨک تے چاول نال تیار کیتے ویندے پِن۔
بجلی دے بغیر اے سی ہوندے؟ جیا ہک ایجھا اے سی وی تیار کیتا ویندا پے جیرھا بجلی دے بغیر ہوسے۔اکھیں دی بکھ تریہہ دا سݨیا ہاسے، اقوام متحدہ دا ورلڈ فوڈ پروگرام ہک ایجھا سسٹم تیار کریندا پے جیرھا اکھیں دے پردے نال تارکین وطن دیاں غذائی ضرورتاں پوریاں کریسے۔(1)
ایجھی چیز جو انسانیں دی سہولت واسطے بݨائی گئی ہووےـ انوکھی ہووے تے آپݨی مثال آپ ہووے ـ دنیا وچ بݨایا گیاں حیران کن ایجاد اے ہن ـ
اے ہک الیکٹرانک مشین ہے ۔ کمپیوٹر نے انسان کوں ڈھیر سہولت ڈتی اے ۔
موٹر سائیکل دا سفر سستا سفر ہے
کار دا سفر مرضی نال ہوندی جو آپݨی سواری اے
بس دا سفر وی اچھا ہوندے
ٹرین دا سفر وی لطف اندوز ہوندے ـ تے آرام دا ہوندے
ہوا وچ پرندے دی طرح اڈݨ دی انسانی خاہش آخر کامیاب تھی تے انسان نے ہوائی جہاز بݨا تے پرندے دی طرح خلا وچ سفر کیتاـ
پاݨی وچ سفر کرݨ سانگے بحری جہاز بݨایا گیاـ
ہک زمانہ ہا جو انسان ہک بے دے نال ڳال کرݨ سانگے خط دا زریعہ استعمال کریندے ہن ـ تے ہک ہک خط دا جواب امدیں مہینے اتے سال وی لگ ویندا ہئی
مگر موبائل فون نے آ تے ہک کونے توں گھن تے ݙوجھے کونے آلہ انسان سیکنڈ وچ گال کر گھندےـ
حوالہ(1)
[لکھو | ماخذ وچ تبدیلی کرو]کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء