اہلِ بیت رسول صلی اللہ علیہ وآلہٖ وسلّم

اہلِ بیت عربی زبان دا لفظ ہے جس دے معنی "گھر والے " دے ہن۔ انہاں وچوں مخصوص پنج شخصیات کوں پنج تن پاک وی آہدے ہن۔ رسول اللہ صلی اللہ علیہ و آلہ وسلم کفار نال مباہلہ کرݨ کیتے نکلے تاں ایہے حضرات آپؐ دے نال ہن۔ ہک دفعہ آپؐ نے انہاں پنج شخصیات کوں اپݨی چادر وچ گھن کے فرمایا "اے اللہ، ایہ میݙے اہل بیت ہن۔"

اہل بیت وچ شامل شخصیات

شیعہ نکتہ نظر

شیعہ نکتہ نظر نال اہل بیت وچ محمد صلی اللہ علیہ و آلہ وسلم، آپ صلی اللہ علیہ و آلہ وسلم دی صاحبزادی فاطمۃ الزھراء ، آپؐ دے چاچا زاد تے داماد حضرت علی تے انہاں دے صاحبزادے حضرت امام امام حسن تے حضرت امام حسین شامل ہن۔ ایہ تمام افراد اصحاب کساء دے ناں نال وی مشہور ہن۔

اہلسنت نکتہ نظر

اہلسنت دے نکتہ نظر نال اہل بیت وچ حضرت محمد صلی اللہ علیہ و آلہ وسلم، آپ صلی اللہ علیہ و آلہ وسلم دی ١١ ازواج مطہرات، آپ صلی اللہ علیہ و آلہ وسلم دے چار صاحبزادیاں سیدہ فاطمہ زھراء ، سیدہ رقیہ، سیدہ ام کلثوم تے سیدہ زینب تے انہاں دے اولاداں، آپؐ دے وفات شدہ پتر، آپؐ دے چاچے امیر حمزہ تے عباس، آپؐ دے والدین تے داماد حضرت علی تے انہاں دے صاحبزادے حضرت امام امام حسن تے حضرت امام حسین شامل ہن۔

بعض سنی علما خلافت عباسیہ دے بانی حضرت عباس بن عبدالمطلب دی اولاد کوں وی اہل بیت وچ شمار کریندے ہن۔

امام جلاالدین سیوطیؒ دا نکتہ نظر

امام سیوطیؒ نے جلالین وچ اھل بیت توں مراد سارے اھل بیت اللہ گھدی ہے ،کیونکہ انہاں کیتے بیت اللہ بݨیندے وقت ݙو نبیاں نے دعا فرمائی ہئی

"وَإِذْ يَرْفَعُ إِبْرَاهِيمُ الْقَوَاعِدَ مِنَ الْبَيْتِ وَإِسْمَاعِيلُ رَبَّنَا تَقَبَّلْ مِنَّا ۖ إِنَّكَ أَنتَ السَّمِيعُ الْعَلِيمُ (127) رَبَّنَا وَاجْعَلْنَا مُسْلِمَيْنِ لَكَ وَمِن ذُرِّيَّتِنَا أُمَّةً مُّسْلِمَةً لَّكَ وَأَرِنَا مَنَاسِكَنَا وَتُبْ عَلَيْنَا ۖ إِنَّكَ أَنتَ التَّوَّابُ الرَّحِيمُ (128) رَبَّنَا وَابْعَثْ فِيهِمْ (ای فی اھل البیت )رَسُولًا مِّنْهُمْ يَتْلُو عَلَيْهِمْ آيَاتِكَ وَيُعَلِّمُهُمُ الْكِتَابَ وَالْحِكْمَةَ وَيُزَكِّيهِمْ ۚ إِنَّكَ أَنتَ الْعَزِيزُ الْحَكِيمُ (129)"

1.حضرت ابراہیمؑ بن محمدؐ

ابراہیم بن محمد (عربی:ابراہیم بن محمد) حضور پاک صلی اللہ علیہ و آلہ وسلم تے ماریہ القبطیہ دے پتر ہن۔ آپؑ دا ناں حضور پاک صلی اللہ علیہ و آلہ وسلم دے جد امجد حضرت ابراہیم دے ناں تے رکھا گیا ۔ عرب دی روایات دے مطابق بچپن وچ آپ کوں پرورش و نگہداشت کیتے اُم سیف نامی دائی دے سپرد کر ݙتا گیا، جنہاں کوں حضور پاک صلی اللہ علیہ و آلہ وسلم نے کجھ بکریاں وی ݙتے۔آپ دی پیدائش سنہ 630ء مدینہ منورہ وچ تھئی تے وفات 27 جنوری 632 (1–2 سال) کوں تھئی.

Grave of Ibrahim at Jannat-ul-Baqi, Medina بقیع وچ حضرت ابراہیمؑ بن محمد دا مزار

غزوہ تبوک دے کجھ عرصے دے بعد ابراہیمؑ بیمار تھی گئے، اُس وقت اُنہاں دی عمر سولہ یا اٹھارہ مہینے ہئی۔

2.حضرت قاسمؑ بن محمدؐ

قاسمؑ بن محمدؐ (عربی: القاسم بن محمدؐ) حضور پاک صلی اللہ علیہ و آلہ وسلم تے حضرت خدیجہ دے پتر ہن۔ آپؑ صغر سنی وچ ہی انتقال کر گئے، جݙݨ آپؑ دی عمر محض ݙو سال توں وی گھٹ ہئی۔ آپؑ کوں جنت المعلیٰ، مکہ وچ دفن کیتا گیا۔ آپؑ دی پیدائش سنہ 598ء دی ہے تے مقام پیدائش مکہ مکرمہ اے. وفات سنہ 600ء (1–2 سال) وچ تھئی.

3.حضرت عبداللہ بن محمدؐ

عبد اللہؑ بن محمدؐ (عربی:عبد اللہ بن محمد) یا طاہر بن محمد تے طیب بن محمدؐ وی آکھا ویندا ہےحضور پاک صلی اللہ علیہ و آلہ وسلم تے حضرت خدیجہ دے پتر ہن۔ آپؑ وی صغر سنی وچ ہی انتقال کر گئے۔ القاسم بن محمدؐ آپ دے وݙے بھائی ہن۔