اوچ شریف دا ادبی مقام
اوچشریف دی دھرتی ادب دے حوالے نال ھمیشہ زرخیز رہ ڳئی ہے کہیں وی دور اچ سنج نیں تھئی صدارتی ایوارڈ یافتہ شاعر سرائیکی زبان کوں پوری دنیا وچ متعارف کرانوݨ والے سرائیکی زبان دے عظیم شاعر سئیں جانباز جتوئی رح دی ساری زندگی اتھائیں گزری اور حضرت جہانیاں جہانگشت رحمتہ اللہ علیہ دی مزار اقدس اچ مدفون تھیوݨ دا شرف حاصل تھیا ایندے علاوہ سرائیکی زبان دے مہان شاعر سئیں شمیم اچوی مرحوم سئیں خاک اچوی رح سئیں عاصم اچوی رح اپڑیں دور دے عظیم شاعر ھن جہڑے لوک خاک اچوی رح تے عاصم اچوی رح کوں جاݨدن او لوک انہاں دے مقام دا میں توں بہتر تعارف کرا سڳدن انہاں دے علاوہ بئے وی ڈھگ ناں ھن جہڑے کہیں تعارف دے محتاج کائنی جنہاں وچوں سئیں عبدالحکیم غازی اچوی سئیں منظر اچوی مرحوم سئیں ڈاکٹر اختر تاتاری مرحوم سئیں ظہور احمد واصل مرحوم سئیں منظور احمد شوق اچوی سئیں ہمراز اچوی سئیں ناصر خان رند اکمل حسین اکمل بلال واصب عبدالغفار حامی اے آر ساغر دے علاوہ بئے وی بے شمار ھن لیکن انہاں وچوں ھک ناں او ھے جیندے اڳوں لفظ ہتھ بدھ کھڑدن جئیں پورے وسیب اچ اپڑاّں ھک مقام بݨائے جہڑا حالی تئیں برقرار ھے تساں میݙے نال اتفاق کرو یا نہ کرو مگر میکوں احمد خان طارق صاحب دی جھلک اگر کہیں شاعر وچ نظری ہے تاں او سرائیکی زبان دے عظیم شاعر سرائیکی دے متروک لفظاں کوں زندہ کرݨ والے مہان انسان استاد محترم سئیں جام محمد اقبال اکرام میتلہ صاحب وچ نظری ھے انہاں دے چند ڈوھڑے استاد غلام عباس آسی صاحب دی آواز وچ تہاڈی نظر انہاں دے مزید کلام دا چساں بعد اچ وی چوینداں رہساں۔
یاسر اچوی دا نمونہ کلام
[لکھو | ماخذ وچ تبدیلی کرو]صرف اساکوں سدھ ھے کیوں تے کہڑے رنگ دے اندر
ہتھ آئے باز اݙیے ڳن یاسر جیتیاں بازیاں ہر ڳیوں
نتاں ساݙی بھوئیں تے تیکوں گنگے ݙاند نہ ݙسدے
اساں اپڑیں گھوڑیں سودھے آلس ہتھوں مر ڳیوں
یاسر خان اچوی
تحریر: یاسر خان اچوی