انگریزی نظماں ( غیور بخاری )
غیور بخاری ہک سرائیکی شاعر اے
ایندے وچ غیور بخاری دیاں سرائیکی آزاد نظماں
جہناں دے عنوانات انگریزی وچ ہن
غیور بخاری صاحب لکھدن
میں انگریزی عنوانات ہیٹھ ہک نظمیں دی کتاب آنݨ چاہنداں
ایہ ہک جدید رنگ ہوسے
چینج[لکھو | ماخذ وچ تبدیلی کرو]
"چینج"
جیویں اُٹھ گھوڑے دی دُنیا
موٹر کار اچ بدلی،،
جیویں ٹانگا، سائیکل رکشہ،،
ویسپا دے وچ ڈھلیے،،
جیویں قصہ، ناٹک دے وچ،،
انسانیں کوں مِلیا،،
جیویں ناٹک والا نقلی،،
کامیݙی فلماں دے اندر،،
ٹی وی اُتے نسریا،،
ڄیویں جو قاصد دا مُکھڑا،،
آن موبائل لُکایا،،
جیویں جو خط پتر اساݙا،،
میسج سینے لایا،،
اونویں ہک ݙینھ ایہ رُت سوہݨی،،
ݙیکھیں یار بدلسے،،
وٹس اپ، ٹیوٹر، ایمو کولہوں،،
تھک ویسی ایہ دُنیا،،
اک ویسی ایہ دُنیا،،
ایف بی سنویاں کئی ایپاں دے سینے خالی ہوسن،،
ڈھیر سوالی ہوسن،،
اوں ݙینھ ول کُئی دھرتی اُتے،،
نواں درشن لہسے،،
جیکوں دنیا چہسے،،
او ویلا وی آسے،،
او ویلا وی آسے،،
(غیور بخاری)