انکار آدر

بزم فرید رحیم یارخان دی آہر ءِچ سئیں جہانگیر مخلص دی طرفوں پنجاب انسٹیٹیوٹ لینگویج، آرٹ اینڈ کلچر دا ایوارڈ سرائیکی زبان کوں علیحدہ زبان تسلیم نہ کرݨ دے ردعمل ءِچ احتجاجاًٍ واپس کرݨ تے انھاں دے اعزاز ءِچ "انکارآدر" دے کٹھ ءِچ منظور تھیوݨ والیاں قرارداداں۔

اعلان رحیم یارخان

1۔ اڄ دا اے کٹھ سرائیکی وسوں تے سنڄاݨ دے مطابق صوبہ سرائیکستان دا بھرپور مطالبہ کریندے، جیندا جغرافیہ روہ، روہی، راوا، تھل تے دامان تے مشتمل ھِ۔

2۔ اڄ دا اے کٹھ مطالبہ کریندے جو وفاق پاکستان ءِچ سرائیکی کوں انج قوم تے انج مکمل زبان دا درجہ ݙتا ونجے۔ تے سرائیکی قوم دے وسائل کوں تخت لہور دے 200 سالہ قبضے کنوں واگزار کرایا ونڄے۔

3۔ اج دے ایں کٹھ ءِچ شریک سرائیکی قومی تحریک دے اڳواݨ تے کارکن سرائیکستان صوبہ ٹھہاوݨ دے پارلیمانی طریقہ کار نال اتفاق کریندیں ھوئیں ایں ڳالھ دا اعادہ کریندن جو وسیب دی بھن تروڑ تے سنڄاݨ تے کوئی سمجھوتہ نہ کیتا ویسی۔

4۔ صوبہ سرائیکستان دیرہ اسمعیل خان تے ٹانک دے بغیر قابل قبول نہ ہوسے۔

5۔ اے کٹھ مطالبہ کریندے جو صوبہ سرئیکستان دے قیام توں پہلے سندھو دریا تے کوئی وی ڈیم نہ بݨایا ونڄے تے سرائیکی وسوں کوں دریائی پاݨی دا برابر حصہ ݙتا ونڄے۔

6۔ اج دا اے کٹھ مطالبہ کریندے جو سرائیکی زبان، ادب، ثقافت تے فن دی سانبھ سانگے انج ادارہ قائم کیتا ونڄے۔

7۔ اج دا اے کٹھ خبریں اخبار دے وسیب دشمن روئیے دی مذمت کریندے تے مطالبہ کریندے جو سرائیکی قومی تحریک کو سبوتاژ کرݨ تے سرائیکی اڳواݨیں دی کردار کشی بند کرے۔

8۔ اڄ دا اے کٹھ سئیں عاشق بزدار دی تجویز کو سراکھیں تے رکھیندئیں ھوئیں سئیں جہانگیر مخلص کو قومی شاعر تسلیم کریندے ـــ