انور سعید انور

اصل ناں    محمد انور

قلمی ناں    انور سعید انورؔ

جٖمنْ        1948ء

جاہ پتہ      مقام پیر جیلانی(مرحوم)محلہ شیخو پورہ مظفر گڑھ

انور سعید انورؔ مظفر گٖڑھ دے نامور شاعر ہن اردو تے سرائیکی ڈٖوہائیں زبانیں وچ شاعری کریندن۔آپ دے کلام اچ پختگی تے زبر دست روانی پاتی ویندی ہے۔نمونہ کلام حاضر ہے!

غزل

لکاواں عشق خوشبو آونْی ہے

انہاں اکھیں پھسوڑی پاونْی ہے

روزانہ ڈٖیکھ کے میں بٖہہ سوچینداں

اے دل ہے یا غماں دی چھاؤنْی ہے

کلہیپا ڈٖیکھ کے ڈٖکھ درد کھلسی

تیڈٖیاں یاداں نے جھمر پاونْی ہے

محبت گھن ودا لوکیں توں پچھداں

اے مٹھی زہر کَیں کَیں کھاونْی ہے

ذرا تھیونْ تاں ڈٖے توں سکھ دی کِنْ مِنْ

اے دُدّڑ ڈٖکھ دی آخر بٖاہونْی ہے