انجم مراد آبادی
اصل ناں سردار مختیار انجمؔ
قلمی ناں انجمؔ مراد آبادی
جٖمنْ 1964ء
تعلیم بی اے
فون نمبر 0343 0832336
جاہ پتہ قصبہ مراد آباد تحصیل و ضلع مظفر گٖڑھ
انجم مراد آبادی 3اکتوبر 1964ء کوں محمد نواز بھٹہ دے گھر وستی مراد آباد اچ پیدا تھئے ۔ ابتدائی تعلیم اپنْی وستی مراد آبا د اچوں حاصل کیتی ، میٹرک گورنمنٹ ہائی سکول مظفر گٖڑھ توں ، ایف اے 1979ء وچ مظفر گٖڑھ کالج توں کیتا ۔ تے ول بعد اچ بی اے پرائیویٹ کیتا۔جڈٖاں جو 1986ء کنوں بشیر مونسـؔ دی راہنمائی وچ اپنْی شاعری دا آغاز کیتا ۔انجم صاحب ہک موزوں طبع فطری شاعر ہن ،خوبصورت لبٖ و لہجے دی رواں شاعری کریندن ، آپ دی شاعری وچ مزاحمت دا رنگ نمایاں نظر آندے ۔ انجمؔ صاحب ’’پاکستان سرائیکی ادبی کونسل ‘‘ مظفر گٖڑھ دے مرکزی صدر ہن ، جیندے زیرِ اہتمام ہر سال باقاعدگی نال کُل پاکستان سرائیکی مشاعرہ کرویندن۔ جیندے وچ پورے سرائیکی وسیب دے وڈٖے وڈٖے شعراء شرکت کریندن تے نامور سیاسی شخصیات وی شامل ہوندیاں ہن۔جتھوں تک انجم صاحب دی شخصیت دا تعلق ہے تاں آپ خوش اخلاق ،ملنسار تے ہر دلعزیز شخصیت دے مالک ہن ۔نمونہ کلام۔
(1)غزل
[لکھو | ماخذ وچ تبدیلی کرو]زمانے دا نہ پھر جذبہ لہو وجدان منگدا ہے
میڈٖا سایہ میڈٖے کولوں نواں نقصان منگدا ہے
بنْا چھوڑین جنھاں گھر گھر انا دیاں جٖانْ کے قبراں
ڈٖساؤ کیوں شہر دا قاضی بٖیا غستان منگدا ہے
میڈٖی دھرتی دے حاکم دا نواں ہک فیصلہ ڈٖیکھو !
ستارے ویچ کے سارے ہکو اسمان منگدا ہے
میں کیا آکھاں کیویں آکھاں میڈٖے ہونٹھاں کوں سیتا گٖئے
اَگٖے گروان زخمی ہے ولا گروان منگدا ہے
میڈٖی زندگی دا ساہ انجم ؔ اوندے منہ دا گراں کائنی
او انساناں دے جون اچ نئیں تہوں تاوان منگدا ہے