امتیاز ظفر

امتیاز ظفر صدر رل وسوں سرائیکی ادبی سنڳت ویرسی واہن تحصیل میلسی ضلع وہاڑی دا سرائیکی زبان دا شاعر ہے۔

استاد شاعری

استادالشعراسئیں محمد ظفربھٹی صاحب خیرپورٹامیوالی

کتاباں

• رل وسوں 2007 وچ

خدمات

• روزنامہ جھوک وچ کالم نگار ہن۔

• صدر رل وسوں سرائیکی ادبی سنڳت ویرسی واہن

ایوارڈ

2014وچ سئیں شاکرشجاع آبادی ایوارڈ

نمونہ کلام

سوچ دے تھل دے نیڑے آڳۓ

مسئلہ حل دے نیڑے آڳۓ

ہݨ دشمن دا پک تھی ویسی

خنجر ڳل دے نیڑے آڳۓ

غزلاں

غزل

لہو دا ݙیوا بال محبت کرنی ہئی

تیں تاں میݙے نال محبت کرنی ہئی

چارݙیهاں دے بعد سجن تو چھوڑ ڳئیں

توں تاں کئ سوسال محبت کرنی ہئی

آکھیاھاتیں دور نه ویساں تیݙے توں

کن تے ڳئی او ڳاھل محبت کرنی ہئی

چھڑناپوسی چھڑسوں عشق دی سولی تے

راھسوں ھک ھر حال محبت کرنی ہئی

آھداھانویں یارظفرتوں رات ݙینھاں

بن سوھنی میھوال محبت کرنی ہے 

غزل

ہک جھوک تے ڈیرہ رکھوں ہا رل وسوں ہا

رل رووں ہا رل ھسوں ہا رل وسوں ہا

ایں نفرت تاں بہوں ساڑے ہن گھروسدے ھوۓ

ایں نفرت کولوں بچوں ہا رل وسوں ہا

توں آنویں ہا درساڈے تے کہیں ڈیہنہ دلبر

کہیں ذیہنہ تیں تے پھل سٹوں ہا رل وسوں ہا

رل گولوں ہا کجھ باب نویں کجھ خورل پیار دے چرکھے کتوں ہا رل وسوں ہا

رل یار ظفر اتھ ڈیکھوں ہا رنگ ساول دے

رل وسدی روہی تکوں ہا رل وسوں ہا

غزل

چھوڑ نہ ساڈی جھوک وے سانول

کھلسن. سارے. لوک وے سانول

کیڈا. او کھا. تیڈا. میڈا

بنڑیا. ھے سنجوک. وے. سانول

گاوڑ دے. وچ گھاٹا . ھوندے

کاوڑ. اپنی روک . وے. سانول

نکڑے لا دا. یار ہاں. تیڈا

کر نہ میں. تے ٹوک. وے. . سانول

اوکھا. پلدے. پیار. دا. بوٹا

پالوں ڈوہیں. تھوک. وے. سانول

ہک شعر کہڑے موقعے چلاک تھئ ھاں سئیں میں تے چپ اچ ہلاک تھئ ھاں سئیں