الْکَبِیْرُ

سب کولوں وݙا۔

اللہ تعالیٰ دا صفاتی ناں "الْکَبِیْرُ" اوندی عظمت، وڈائی تے بے پایاں شان کوں بیان کریندا ہے۔ ایہ ناں ایں ڳالھ دی طرف اشارہ کریندا ہے کہ اللہ تعالیٰ ہر شے توں بلند تے برتر ہے، اوندی ذات ہر عیب تے نقص توں پاک ہے، تے کوئی وی اوندے مرتبے تائیں نیں پڄ سڳدا۔ او ہر شے تے غالب ہے، اوندی قدرت، حکمت تے عظمت دا کوئی مقابلہ کینیں۔ ایہ ناں انسان کوں ایہ احساس ݙیندا ہے جو ہمیشہ اللہ دی عظمت کوں تسلیم کریندے ہوئے اوندے سامھݨے عاجزی تے فروتنی اختیار کرݨی چاہیدی ہے، کیوں جو او ہی سب توں وݙا ہے تے ہر شے اوندے تابع ہے۔ ایں صفت دے ذریعے انسان کوں ایہ درس ملدے کہ دنیا دی وݙائی تے غرور کوں چھوڑ تے صرف اللہ دی عظمت کوں منیا ونڄے، کیوں جو حقیقی وݙائی صرف اوندے کیتے ہے۔ اللہ تعالیٰ دی صفت "الْکَبِیْرُ" اساکوں ایہ ڳالھ یاد ݙویندی ہے جو اساں جیڑھی وی عظمت تے طاقت دنیا وچ ݙیکھدوں، او سبھ اللہ تعالیٰ دی قدرت دے سامھݨے ہیچ تے ناچیز ہن۔ اوہی ہے جیڑھا زمین تے اسمان کوں قائم رکھیندے تے ہر شے کوں آپݨے حکم دے تحت چلیندے۔ اساکوں چاہیدے جو اساں اپݨے دل وچ اللہ دی عظمت کوں جڳا رکھوں تے اوندے سامھݨے گھٹ ڄاݨ تے عاجزی اختیار کروں۔

ایہ صفت اساں کوں ایہ وی سکھیندی ہے جو دنیا دی چمک دمک تے مال و دولت دے پِچھوں نہ پئوں، کیوں جو ایہ سب فانی ہن۔ حقیقی عظمت تے عزت صرف اللہ تعالیٰ دے نال ہے۔ جیڑھا شخص اللہ کوں وݙا سمجھیندے تے اوندے حکم دے مطابق چلدے، او حقیقی معنیاں وچ کامیاب تے عزت والا ہے۔

اللہ تعالیٰ دی عظمت کوں یاد رکھݨ نال انسان دے دل وچ اطمینان تے سکون پیدا تھیندے۔ او ایہ ڄاݨدے جو ہر مشکل تے پریشانی وچ اللہ تعالیٰ دی مدد موجود ہے، کیوں جو او سب توں وݙا ہے تے اوندی قدرت توں کوئی شے پوشیدہ کائنی۔ ایں طرحاں ایہ صفت اساں کوں اللہ تے بھروسہ کرݨ تے اوندی رضا وچ راضی رہوݨ دا درس ݙیندی ہے۔