الراضی باللہ

الراضی باللہ Al-Radi Billah
راضی باللہ دے دور دا سونے دا دینار
ڄم پل:	1 جون 909ء ، بغداد
وفات:	12 دسمبر 940ء (31 سال) ، مدینہ منورہ
دور خلافت :	23 اپریل 934ء – 23 دسمبر 940ء

الراضی باللہ خلافت عباسیہ دا ویہواں خلیفہ ہئی جیں نے 322ھ/ 934ء توں 328ھ/ 940ء تک حکومت کیتی۔ مختصر مدت حکومت وچ اُوں نے اُمور مملکت کوں منظم تے بہتر کرݨ دے کوششاں کیتے مگر وزراء تے امرا دے ہتھاں وچ اختیارات ہوݨ دے باعث او اِیندے وچ ناکام رہیا۔ اُوندے زمانے وچ قرامطہ دنیائے اسلام کیتے خطرہ بݨے رہیے تے بغداد وچ حنابلہ دے شورشاں نے ہنگامے برپا کیتی رکھے۔ نظام سلطنت مفلوج رہیا تے محض کجھ نویں کماں دے الراضی باللہ دا عہد وی مزید انحطاط و زوال دی جانب گامزن رہیا۔ خلافت عباسیہ دے اُنھاں خلفاء وچ الراضی باللہ وی شامل ہے جنہاں دے ادوارِ حکومت وچ سلطنت مزید رُو بہ زوال تھئی۔