افضل عاجز

اصل ناں      محمد افضل

قلمی ناں       افضل عاجز ؔ

جمن           1961ء   

تعلیم           ایف اے

پیشہ             ۔۔۔۔۔۔۔۔۔  

فون نمبر         03312910101

جاہ پتہ           لاہور

(1) غزل

شاید کوئی چنگاں موسم آیا ہے

تائیوں بلبل چیکا تے کرلایا ہے

ماء دی گونگی لوری توں شک پوندا ہے

بالاں  د ا  پیوء خالی  ہتھ گھر آیا ہے

دھم دھم دی آواز کنوں شک پوندا ہے

بارش  وت  کئی کچا  کوٹھا  ڈھایا ہے

دیوانے تاں چِر دیاں جھوکاں لڈ گئے ہن

وت اج چوک تے کیندے گل وچ پھایا ہے

شاید کوئی  سچی  گل  کر  بیٹھا ہاں

شہر دے والی وت میکوں سڈوایا ہے

ایں سچّائی دے ممبر تے اساڈی بانگ باقی ہے

اجاں دھرتی کوں خطرہ ہے اجاں ہک نانگ باقی ہے

توڑے ڈھینگر چا کھوڑے ہن انہاں رستے چا بند کیتے

ڈکھاواں آ تیکوں عاجزؔ جو کہڑی لانگھ باقی ہے

٭٭٭