اسلوب

اسلُوب کوں انگریزی وچ سٹائل عربی تے فارسی وچ "سبک" آہدے ہن۔ انگریزی دا لفظ سٹائل ہک یونانی لفظ Stilus کنوں نکلا ہے۔ جہڑا ہاتھی ݙند، لکڑ یا کہیں دھات نال بݨا ہویا ہک نوک دار اوزار ہوندے۔ جیندے نال موم دیاں تختیاں اُتے حروف، لفظ تے ٻہوں طرحاں دے نقش بݨائے ویندن، اسلُوب وچ وی لفظاں دا چُݨاؤ، کٹ پھٹ تے تحریر ہوندی ہے۔ ایں کیتے اینکوں سٹائل آکھیا ویندے، عربی لفظ سبک دے معانی دھات کوں پگھلاوݨ تے سان٘چے وچ تبدیل کر ݙیوݨ ہے۔

ادبی تحریر وچ کیوں جو لفظ بدلے ویندے ہن۔ ایں کیتے ایں کوں سبک آکھیا ویندے۔

کلاسیکی ادب وچ اسلوب شروع وچ طرزتحریر دے معانی وچ ورتندا ریہا۔ بعد وچ تقریر تے تحریر وچ آپݨے آپ کوں ظاہر کرݨ کوں اسلوب دا ناں ݙتا ڳئے۔

اسلوب دیاں قسماں

کہیں شاعر یا ادیب دا اسوب یا تاں نثر دے ذریعے واضح تھیسی یا ول نظم دے ذریعے۔ ایں کیتے اسلوب دیاں ݙو بݨیادی قسماں ہن:

١۔ نثری ادب

٢۔ شعری ادٻ

اسلوب دے عناصر

اسلوب نثری ہوندے یا شعری۔ عام طور تے اسلوب دے ترائے عناصر ہوندن:

ہک مصنف دی انفادی خصوصیت،

ݙوجھاعام انسانی رویہ،

تریجھا خیال تے زبان دیاں خصوصیات [[ونکی:سرائیکی زبان تے ادب]]