اسد رحیم اسد

اسد رحیم اسد سرائیکی زبان دا شاعر ہوونڑ دے نال نال ہک سماجی کارکن ہک ویلفیئر فاؤنڈیشن دا چیئرمین اور ڈینٹل ڈاکٹر ہے -

ڄم پل

10دسمبر کوں سݨاواں وچ لاڑ خاندان دے سربراہ ڈاکڑ رحیم بخش لاڑ دے گھر ڄمے۔

تعلیم

ابتدائ تعلیم گھر توں حاصل کیتی نے ۔میڑک نیوڈان سکول سنانواں توں کتی ہینے ۔ول ایف ایس سی نیو پنجاب ہائیر سیکنڈری سکول کوٹ ادو دا رخ کیتے نے ۔ول ݙنداں دے ڈاکٹری دی تعلیم نشتر میڈیکل یونیورسٹی و ہسپتال ملتان توں حاصل کیتی ہے۔اور اجکل سنانواں دے وچ اپݨاں کلینک بݨاوراں چاہندن

کتاباں

کلام مختلف رسالاں اخباراں وچ چھپدا راہندے جیندے وچ تھل اخبار لیہ ،بانگ ادبی فورم ،المنظور ڈائجسٹ ڈی جی خان ،روزنامہ اوصاف ،دیرہ غازی خان ادبی وساخ ڈیرہ غازی خان ،سوجھل سوچ قابل ذکر ہن

اپݨی کتاب انشاءاللہ 2019 وچ شائع کریسن ۔

نمونہ کلام

؎وعدہ گھنسے تاں یار ݙیساں میں

ہݨ اونکوں اتنا پیار ݙیساں میں

؎زمانہ بہوں چلتر ہے اساں گالھے ہیں کیا سمجھوں

؎میں راہی پیار محبت دا

میں رل گیاں جگ دے رولیں وچ

میں تھوڑی دیر تاں جی گھندا

میکوں زلفیں ہیٹ لکاویں ہا

؎کربلا دی شام ہئ سجھ دا چہرہ لال ہا

؎توں وی میݙی نہ تھی سگیوں جیکر کلھیں زندگی گزار ݙیساں میں

نال ماء دے کھل الینداں میں اوندے لباں توں کھیر آندے ہن

؎گال حق دی الاوݨی پوسی

ہنج لہو دی وہاوݨی پوسی

قائم کرنی ہے جے محبت ول

بھاہ کوئی دل کوں لاوݨی پوسی

؎جیڑھا اسد یار منافق ہے

اوندے نال الاوݨ چھوڑ ݙیوو

؎ساݙے ملک دی حالت ابتر ہے

ساݙے ملک کوں میٹرو کھا گئ ہے

میݙی ݙاڑھی چٹی تھی گئ اے

میݙی ݙاڑھی چٹی تھی گئ اے

منہ کر کے اکثر شیشے دو

میں اکثر یار سوچینداں ہاں

میݙی ݙاڑھی کالی تھئ کائنی

او پہلے چٹی تھی گئ اے

ول بابا وی میکوں یاد آندے

جیڑھا اکثر میکوں آھدا ہا

جݙاں سر تے کئ کئ بار ہوون

جݙاں ݙکھڑے آ کے گھیر گھنن

جݙاں متر وچھوڑا دان کرن

جݙاں دل دے وچوں دھاں نکلے

جݙاں آپ کوں آپ کوئی کھاوے

ول اسد پُتر آ سمجھ ونجیں

ول کھل پکھی تھی ویندی ہے

ول اکھ تے حلقے پئے ویندے ہن

ول دل وی مردہ تھی ویندے

ول خوشی کوئ نی راس آندی

تھیندے کالے وال وی چٹے ہن

ول سجݨ تھیندے پھٹے ہن

میکوں بابا ہݨ توں یاد آندیں

میݙی اکھ تے حلقے پئے گئے ہن

میکوں خوشی کوئ نی راس آندی

میکوں بندہ کوئ نی کیوں بھاندا

میݙی ݙاڑھی چٹی تھی گئ اے....!!!!

میݙی ݙاڑھی چٹی تھی گئ اے ....!!!

اسدرحیم اسد

امڑی

امڑی دی میم اچ ماکھی دا رس ہے

تے جتنا وی پیوو عجب تس ہی تس ہے

میڈا ادھی راتیں کوں آونڑ

تے امڑی دا بوہے تیں باہونڑ

پہل مٹھی ناراضگی دا ڈکھاونڑ

تے ول سینے لا کے مناونڑ

میکوں اج تائیں وی نی بھلدا

محبت دا ناتا کڈاہیں نی تلدا

امڑی دے بن تاں اے گھر وی ویران ہے

نئیں بھاندا اے جتنا وڈا جہان ہے

توڑے ہووےجتنی وی ڈکھ ءچ

کھلدی ہے ایویں جیویں ہووے سکھ ءچ

میں رو رو کے اسد دعا ہاں کریندا

میڈا مالک میڈی دعا نہ ولائیں

میڈی امڑی رحمت ہے میڈے کیتے

میڈے سر تے مالک اے رحمت وسائیں

میڈا مالک !میڈی دعا نہ ولائیں