اسد اشلوک
اسد اشلوک سرائیکی زبان دا شاعر ہے۔
ڄم پل[لکھو | ماخذ وچ تبدیلی کرو]
١٤ مارچ ١٩٩٠ء کو ڄمے۔
تعلیم[لکھو | ماخذ وچ تبدیلی کرو]
گورنمنٹ ڈگری کالج ژوب توں تعلیم حاصل کیتی ہے۔
نمونہ کلام[لکھو | ماخذ وچ تبدیلی کرو]
ہندِیرے[لکھو | ماخذ وچ تبدیلی کرو]
روح داری دی جھا ھے ݙاڈھی
ݙاڈھے مٹھے لوک ھن سارے
پیار محبت ونڈݨ والے
کہیئں کوں کجھ نہ آکھݨ والے
درگاہیں دے مݨ والے
جیندے پئے ہن ہالیں تونڑی
ساݙی ہوند دے ہووݨ والے
سارے نقشے چھاپے کھڑن
قد اساݙے ناپے کھڑن
اسداشلوک
شعر[لکھو | ماخذ وچ تبدیلی کرو]
کھڑ،کھڑ میکوں فوٹو دے وچ جڑ کے آوݨ ݙے
نہ اے ول کے ویلا ولسی نہ ھوسی دریا
اسد اشلوک.
شعر[لکھو | ماخذ وچ تبدیلی کرو]
ٹھِل پئ ھے تاں ھولے ھولے اللہ پار پچئیسی
ٻیڑی ٹھیلوں ٻیڑی ٹھیلوں توں ڄو آدھا ہاویں
اسد اشلوک
ہوند[لکھو | ماخذ وچ تبدیلی کرو]
کڈاں لڳسی پتہ ساکوں
کڈاں آسی ، جاگ
ساوے تھیسن ، بھاگ
(اسد اشلوک)
حق سچ[لکھو | ماخذ وچ تبدیلی کرو]
ون پونے بندے ملے
ون پونے ڳالھیں سنڑے
ون پونے ویلے ݙٹھے
جنگلاں دے وچ میلے ݙٹھے
وت وی لگدے کجھ نی ݙیٹھا
تونڑیں تئیں روہ ساوے کیتے
تونڑیں تئیں دامان وسایائے
تونڑیں تئیں کائنات بنڑائ اے
بے شک حق اے ہووݨ حق اے
اتنے تونڑی ہر کئیں منے
تیݙا ھووݨ کئیں نی منا
(اسد اشلوک)
سنگت دے ناویں[لکھو | ماخذ وچ تبدیلی کرو]
[[[سنگت دے ناویں کجھ ڳالھیں ]]]
اݨ سونڑی اݨ ݙٹھی ڳالھ کریسوں نئیں
اساں کوئ وی کوڑی ڳالھ کریسوں نئیں
کئیں ڳالھوں کئیں بندے دا دل ݙکھ پووے
مر پوسوں کوئ اینجھی ڳالھ کریسوں نئیں
سدھے سادے شودھے جیاں بندے ہسے
ملݨ کیتے وݙی ڳالھ کریسوں نئیں
اوروں ھے تاں ہر ہک ڳالھ سر اکھیں تے
پروں دی کوئ پرلی ڳالھ کریسوں نئیں
گندا مندا کملا رملا ہر کوئ آکھے
سئیں دے ہوندے آپنڑی ڳالھ کریسوں نئیں
جہیڑی ہوسی پٹھی سدھی منہ تے ہوسی
کنݙوں پچھوں چوری ڳالھ کریسوں نئیں
اسد اشلوک
کافی[لکھو | ماخذ وچ تبدیلی کرو]
اللہ تیݙیاں منݨ والاں
واہ واہ آپنڑاں آپ منایا اے
جنگلاں دے وچ وسوں کیتی
روہاں تے ونج دیرے لائے
ہر ہک دور دے اڳوں ٹرے
ویلے کوں محتاڄ بنڑایا اے
اللہ تیݙیاں منݨ والاں
حق سچ دی پہچاݨ کرای
کْل کائنات دا سوہاں کیتا
اپنڑی میں دا ڳاٹا گْھٹا
ہر ازمائش کوں سر تے چایا اے
اللہ تیݙیاں منݨ والاں
ڄتھاں ڄتھاں جھوکاں لائیاں
اکھیں نال میں ݙٹھی ٻیٹھاں
اڄ میں تیکوں منی ٻیٹھاں
جھاہ جھاہ تیݙا عشق ونڈایا اے
اللہ تیݙیاں منݨ والاں
واہ واہ آپنڑاں آپ منایا اے
اسداشلوک
کافی[لکھو | ماخذ وچ تبدیلی کرو]
سِیندھاں سِترے اساں اپنڑے
کجلے پا کے ٹرے
راہ ویندے کہیں ویلے دا
کوئ لحظہ آیا یاد
اساں ول او لحظہ اپنڑے
نال رلا کے ٹرے
راہ ویندے کہیں ھکل ݙتی
اساں ݙکے پیر
کوئ نہ نظرا چار چپھیروں
ݙیکھ ولا کے ٹرے
راہ ویندے کہیں دھاڳا ٻدھا
ٻݙھی ٻوہڑ نال
اوندے کٹھے راہ ویندے کجھ
حال ونݙا کے ٹرے
راہ ویندے کہیں دوکھا ݙتا
اساں چھوڑا راہ
اساں کہیں نہ کہیں کوں اپنڑاں
رستہ لا کے ٹرے
اسد اشلوک
کافر کوٹ[لکھو | ماخذ وچ تبدیلی کرو]
ساݙی روح دے نال کوئی سانگھا ہے
اِیں اُڄڑی جھوک دے واسِیاں دا
ڄئیکوں ہر ہک واہر لَتاڑا ہے
کئیں لُٹیا پُٹیا سَاڑا ہے
سچ ساݙے کول لُکایا ڳئے
کُل قِصہ ݙیکھ وٹایا ڳئے
جِتھاں کوئی وی کافر آیا نی
ساکوں کافر کوٹ ݙسایا ڳئے
اسد اشلوک