اخوان المسلمون
ایہ جماعت 1929ء وچ مصر وچ قائم تھئی۔ ایں دے بانی شیخ حسن البنا ہن جیہڑے اسسروریہ دے ہک گاؤں دے رہݨ والے ہن۔ انھاں نے ایں تحریک دا آغاز 1923ء وچ کیتا ہئی مگر 1929ء وچ اینکوں باقاعدہ شکل ݙتی گئی۔ ایں دا منشا اسلام دے بنیادی عقائد دا احیا تے انہاں دا نفاذ ہئی۔ مگر بعد وچ ایہ جماعت سیاسی شکل اختیار کر گئی۔ مصر وچ ایہ تحریک کافی مقبول تھئی تے ایں دیاں شاخاں ݙوجھے عرب ممالک وچ وی قائم تھی ڳئے۔ ݙوجھی جنگ عظیم دے خاتمے تے ایں دے اراکین دی تعداد ویہہ لکھ دے لگ بھگ ہئی۔