اخترشامی
اصل ناں اختر عباس
قلمی ناں اختر شامیؔ
جٖمنْ 1980ء
جاہ پتہ ارائیں مارکیٹ سنْانواں۔تحصیل کوٹ ادو
غزل
[لکھو | ماخذ وچ تبدیلی کرو]ڈٖوہائیں پاگل بنْے ہاسے محبت کر گھدی ہاسے
نکھڑ کے ایں زمانے توں بغاوت کر گھدے ہاسے
جیویں نیناں اے ٹکرے ہن تیکوں یادِ میکوں یادِ
ایویں رستے تے آندیں ہوئیں شرارت کر گھدی ہاسے
ولا اے من تاں منکر تھئے ،ولا نئیں سر جھکیا کہیں جا
تیڈٖے پیریں ڈٖٹھے ہاسے عبادت کر گھدی ہاسے
میڈٖا راجا تیڈٖے شہر اچ اساں روونْ دے رجٖ کیتے
ڈٖوہائیں اکھیں دے در کھولئے سخاوت کر گھدی ہاسے
اساں دیوانیاں کوں بھُل نہیںسگٖدے او ڈٖینہ شامیؔ
تیڈٖے کوچے دے پتھر جھل زیارت کر گھدی ہاسے