Jump to content

احمدیت

وکیپیڈیا توں

جماعت احمدیہ 1889ء وچ مرزا غلام احمد (1835ء تا 1908ء) نے لدھیاݨہ وچ قائم کیتی۔ مرزا غلام احمد نے اعلان کیتا کہ انہاں کوں الہام دے ذریعے اپݨے پیروکاراں توں بیعت گھنݨ دی اجازت ݙتی گئی ہے۔ انہاں نے بیک وقت مجدد، امام مہدی تے عیسٰی مسیح یا مسیح موعود تے ظلی و بروزی نبی ہووݨ دا وی دعویٰ کیتا تے بعد وچ ہک صاحب شریعت نبی ہووݨ دا دعویٰ کر ݙتا. مرزا غلام احمد دی وفات دے بعد حکیم نورالدین کوں پہلا خلیفہ المسیح منتخب کیتا گیا. 1914ء وچ حکیم نور الدین دا انتقال تھیا تاں پیروکاراں دا اجتماع ݙو گروہاں وچ ونڈیج گیا جنہاں وچوں ہک احمدیہ جماعت (مرزا قادیانی کوں مکمل نبی و رسول منݨ والا گروہ) تے ݙوجھا احمدیہ انجمن اشاعت اسلام لاہور (مرزا قادیانی کوں مسیح موعود تے مجدد منݨ والا گروہ) سݙویندا ہے۔

تاریخ[لکھو | ماخذ وچ تبدیلی کرو]

مرزا غلام احمد قادیانی نے ایں تحریک کوں 23 مارچ 1889ء وچ شروع کیتا جینکوں احمدی جماعت وی آکھا ویندا ہے۔ انہاں دی وفات دے بعد انہاں دے خلفاء نے ایں جماعت دی قیادت سنبھالی تے ہݨ ایہ مذہب 200 ملکاں وچ اگرچہ قلیل تعداد وچ اے مگر موجود ضرور اے ۔ ایں وقت ایں جماعت دے خلیفہ دا ناں مرزا مسرور احمد ہے جبکہ انہاں دے پیروکاراں دی تعداد کروڑ دے درمیان ہے جیہڑے کہ دنیا دے کئی ملکاں وچ کھنڈے ہوئے ہن۔

احمدیہ جماعت ہک منظم تے مربوط سیاسی و مذہبی عزائم رکھݨ والی جماعت ہے. ایہا وجہ ہے کہ ایندی صرف ہک ہی وڈی شاخ ہے۔ مرزا غلام احمد قادیانی دی نبوت دی نوعیت دے حوالے نال اختلافات دے سبب لاہوری احمدیہ جماعت اصل دھڑے توں الگ تھئی لیکن اج ایہ دھڑا ہک مختصر آبادی تے مشتمل ہے۔ احمدیہ عقائد کوں آغاز توں ہی اسلامی سنی و شیعہ عقائد دے برخلاف خیال کیتا ویندا رہا ہے تے ایں سلسلے وچ قادیانی حضرات مختلف پابندیاں دا وی شکار ہن تے سارے اسلامی گروہ ایں جماعت کوں کافر خیال کریندے ہن۔

حوالے[لکھو | ماخذ وچ تبدیلی کرو]