احسان الٰہی ظہیر
اصل ناں احسان الٰہی
قلمی ناں ظہیر ؔارائیں
جمن 1983ء
تعلیم ایف اے
پیشہ زمیندارہ
فون نمبر 03457279985
جاہ پتہ چاہ عبداللہ والا ،سرائے سدھو تحصیل کبیر والا ضلع خانیوال
نوجوان شاعر احسان الٰہی ظہیر ؔ1983ء کوں چوہدری محمد رفیق ارائیں دے گھر چاہ عبداللہ والا (سرائے سدھو) ضلع خانیوال اچ پیدا تھئے ۔ایف اے تک تعلیم حاصل کیتی ۔بعد ازاں شاعری دا شوق پیدا تھیا تاں نامور شاعر منظور ؔسوختہ (مرحوم) توں راہنمائی حاصل کیتی ،تے انہاندی بزم نال وابستہ رہ گئے تے اج وی ’’بزم سوختہ‘‘ دے روح رواں ،متحرک کار کن ہن ۔شاعری دے حوالے نال ڈوجھیاں صنفاں توں علاوہ غزل وی بہوں سوہنی لکھدن ۔نمونہ کلام پیش خدمت ہے۔
غزل
[لکھو | ماخذ وچ تبدیلی کرو]محبت دی حقیقت نوں کدے سمجھیں تاں ول آویں
مری سچّی عقیدت نوں کدے سمجھیں تاں ول آویں
میں منداہاں مسیحا ہیں دوا وی ہن ترے کولوں
مریضاں دی طبیعت نوں کدے سمجھیں تاں ول آویں
صبح ، شامی تراناں ہے سجن سوہناں مری جبھ تے
مری توں اس ریاضت نوں کدے سمجھیں تاں ول آویں
نبھیندے ہن تعلق نوں کریندے ہن وفا سنگتی
وفا دی چن روایت نوں کدے سمجھیں تاں ول آویں
میں کرداں چن ترے غم وچ سخاوت روز ہنجواں دی
سخاوت دی عبادت نوں کدے سمجھیں تاں ول آویں
میں وعدے دے وچھا ستھّر ظہیرؔ اج تک سَبھا بیٹھاں
سچائی دی غنیمت نوں کدے سمجھیں تاں ول آویں
٭٭٭