ابی بن کعب

وکیپیڈیا توں

ابی بن کعب انصاری کاتب وحی، فاضل قرآن سیدنا محمد بن عبد اللہؐ دے صحابہ وچوں ہک ہن۔ [١] ابی بن کعب بیعت عقبہ ثانیہ وچ موجود ہن. آپ نے غزوہ بدر تے ݙوجھے غزوات وچ شرکت کیتی۔ سیدنا محمد بن عبد اللہؐ دی مشہور حدیث دے مطابق جنہاں چار قاریاں توں قرآن پڑھا ونجݨا چائیدا اے۔ انہاں وچوں ک ابی بن کعب ہن۔ [٢]

نام و نسب تے ابتدائی حالات[لکھو | ماخذ وچ تبدیلی کرو]

ابی نام، ابوالمنذر و ابوالطفیل کنیت، سید القراء، سیدالانصار تے سید المسلمین القاب ہن. قبیلہ نجار(خزرج) دے خاندان معاویہ توں ہن جیہڑا بنی حدیلہ دے ناں نال مشہور ہئی. (حدیلہ معاویہ دی ما دا ناں ہئی جیہڑی جشم بن خزرج دی اولاد وچوں ہئ. ی سلسلہ نسب ایہ ہے :

ابی بن کعب بن قیس بن عبید بن زیاد بن معاویہ بن عمر بن مالک بن نجار، [٣] والدہ دا ناں صہیلہ ہئی جیہڑے عدی بن نذر دے سلسلہ نال تعلق رکھدیاں ہن تے ابو طلحہ انصاری دی حقیقی پھوپھی ہن اس بنا تے ابوطلحہ تے ابی بن کعب پھوپھی زاد بھائی ہن۔ ابی دی ݙو کنیتاں ہن، ابوالمنذر تے ابوالطفیل ، پہلی کنیت آنحضرتﷺ نے رکھی ہئی تے ݙوجھی سیدنا عمرنے انہاں دے بیٹے طفیل دے ناں دی مناسبت نال پسند فرمائی۔

اسلام[لکھو | ماخذ وچ تبدیلی کرو]

مدینہ دے جنہاں انصار نے مکہ ونج کے آنحضرتﷺ دے دست مبارک تے عقبہ ثانیہ وچ بیعت کیتی ہئی، انہاں وچ ابی وی ہن. آپ انہاں چھ صحابہ وچوں ہن جنہاں نے زمانہ نبویؐ وچ قرآن مجید حفظ کیتا تے انہاں فقہا صحابہ وچوں ہن جیہڑے زمانہ نبویؐ وچ فتویٰ ݙیندے ہن. صحابہ وچ بڑے قاری ہن۔[٤] ہجرت دے بعد مہاجرین تے انصار وچ برادری ومواخات قائم تھئی ہئی، اس وچ سعید بن زید بن عمرو بن نفیل توں جیہڑے عشرہ مبشرہ وچوں ہن، انہاں دی مواخات تھئی۔ بدر توں طائف تک دے تمام غزوات وچ شریک تھئے۔ حضرت ابوبکر دے عہد خلافت وچ قرآن مجید دی ترتیب و تدوین شروع تھئی تاں اس خدمت تے جو لوگ مامور تھئے انہاں وچ آپ وی شامل ین۔ حضرت عمر دے زمانے وچ مجلس شوریٰ دے رکن وی رہے۔ ابتدا وچ قرآن دی قرات وچ بعض فروعی اختلافات ہن۔ آخر وچ عثمان نے قرات قرآنی دے ممتاز ماہرین دی جانچ دے بعد اُبی بن کعب دے طریقہ کوں پسند فرمایا۔ تے ایں قرات دے مطابق کلام مجید دے چار نسخے لکھوا کے مختلف شہراں وچ بجھوا ݙتے۔ انہاں نسخیاں دی اج تک پیروی کیتی ویندی پئی ہے۔

وفات[لکھو | ماخذ وچ تبدیلی کرو]

39ھ وچ عمر طبعی کوں پہنچ کے عثمان غنی دے زمانہ خلافت وچ جمعہ دے ݙینہ مدینے وچ وفات پاتی۔ حضرت عثمان نے نماز جنازہ پڑھائی تے مدینہ منورہ وچ دفن کیتے گئے۔

حوالے[لکھو | ماخذ وچ تبدیلی کرو]

  1. انسائیکلوپیڈیا قرآنیات، قسط 5، صفحہ 15، سید قاسم محمود، اگست 2009ء، شاہکار بک فاؤنڈیشن، لاہور۔
  2. اطہر مبارک پوری، قاضی، خیر القرون کی درسگائیں اور ان کا نظام تعلیم و تربیت، صفحہ 148، ادارہ اسلامیات لاہور-کراچی، اکتوبر 2000ء
  3. مسند احمد:5/113
  4. مرأۃ المناجیح شرح مشکوۃ المصابیح جلد 8 صفحہ583