ابو سہل مسیحی گرگانی
ابو سہل عیسیٰ ابن یحییٰ المسیحی گرگانی (پیدائش: 960ء – وفات: 1010ء) فارسی النسل طبیب، شاعر، ماہرفلکیات، ریاضی دان،فلسفی ہئی۔ ابوسہل خراسان وچ ابو ریحان البیرونی دا ہم عصر ہئی۔ ابن سینا، ابوسہل دے مشہور شاگرداں وچوں ہے۔
.png)
ابتدائی حالات[لکھو | ماخذ وچ تبدیلی کرو]
ابو سہل دی پیدائش سریانی زبان ٻولݨ والے راسخ الاعتقاد کلیسیا نال تعلق رکھݨ والے ہک مسیحی گھراݨے وچ تھئی۔ بعد ازاں ابوسہل نے بغداد وچ طب دی تعلیم حاصل کیتی۔ اوہ ہک مختصر عرصہ خراسان تے خوارزم دے شاہی خانداناں نال وابستہ رہا۔ ابن سینا علم طب وچ ابوسہل دا شاگرد ہئی۔ ابوسہل نے کہیں کلیسیا توں تعلیم حاصل نی کیتی۔
آخری دور تے وفات[لکھو | ماخذ وچ تبدیلی کرو]
1010ء وچ سلطان محمود غزنوی نے ابن سینا تے اُنہاں دے ہمراہ متعدد علما کوں غزنی طلب کیتا۔ اِس طلبی دے پچھوں ایہ وجہ کارفرما رہی کہ ایہ علما فلسفہ دی تعلیم ݙیندے ہن جینکوں اُس عہد وچ بدعت دے طور تے متعارف کروایا گیا۔ بیشتر علما خراسان توں فرار تھی گئے جبکہ ابوسہل نے ابن سینا دے ہمراہ خراسان توں نکل کے مغربی ایران دی طرف سفر کرنا شروع کیتا۔ صوبہ مازندران دے قریب صحرا وچ ریت دے طوفان وچ ابوسہل لاپتہ تھی گیا تے دوبارہ اُوندا کوئی سراغ نہ مل سڳا۔ اُس وقت اُس دی عمر 50 سال دے قریب ہئی۔[١]