ابوعبیدہ ابن جراح

حضرت ابوعبیدہ ابن الجراح جنہاں کوں دربار رسالتؐ توں امین الملت دا خطاب ملا، قبیلہ فہر نال متعلق ہن۔ جیہڑا قریش دی ایک شاخ ہئی۔ اصل ناں عامر بن عبد اللہ ہئی۔ ہجرت مدینہ دے وقت عمر 40 سال ہئی۔ بالکل ابتدائی زمانے وچ مشرف باسلام تھئے۔ دیگر مسلماناں دی طرح ابتدا وچ قریش دے مظالم کا شکار تھئے۔ حضور توں اجازت گھن کے حبشہ ہجرت کر گئے لیکن مکی دور ہی وچ واپس ول آئے۔ نبی صلی اللہ علیہ و آلہ و سلم توں چند روز قبل اذن نبی نال مدینہ دی طرف ہجرت کیتی تے حضورؐ دی آمد تک قبا وچ قیام کیتا۔ مواخات مدینہ وچ معزز انصاری صحابی ابوطلحہ دے بھائی بݨائے گئے۔ بے مثال خدمات اسلام دی وجہ نال حضور صلی اللہ علیہ و آلہ و سلم نے جنہاں صحابہ کوں دنیا وچ جنت دی بشارت ݙتی انہاں وچوں ہک ہن۔

تخطيط اسم أبو عبيدة بن الجراح

حیات مبارکہ

ابوعبیدہ ابن الجرح بے حد ذہین، سلیم الطبع، متقی تے بہادر ہن۔ لمبا قد، بظاہر لاغر کمزور نظر آوݨ والی شخصیت لیکن ایمان کامل دے سبب انتہائی پرنور چہرہ تے آہنی عزم دے مالک ہن۔ ابوعبیدہ بن الجراح نے اپݨے زمانے دی سب توں وݙی عالمی طاقت روم دے خلاف ٹکر گھدی تے اونکوں ایشائی علاقیاں توں پچھاں دھک ݙتا۔

فاتح شام تے فاتح بیت المقدس دی شان فقر دا اندازہ اس توں تھی سڳدا ہے کہ جݙݨ فاروق اعظم بیت المقدس تشریف گھن گئے تاں آپ نے اپݨے بھائی ابوعبیدہ بن الجراح توں فرمائش کر کے انہاں دے کول کھاݨا کھادا جس وچ صرف چند سکے ہوئے ٹکر ہن جنہاں کوں ابوعبیدہ پاݨی وچ بھے کے کھاندے ہوندے ہن۔ حضرت عمر نے فرمایا ’’شام وچ آکے سب ہی بدل گئے لیکن ابوعبیدہ ہک توں ایں کہ اپݨی ہوں وضع تے قائم ایں۔ ہک ٻئے موقع تے فاروق اعظم نے آپ دے بارے وچ فرمایا :

’’الحمد اللہ مسلماناں وچ اینجھے لوگ موجود ہن جنہاں دی نظر وچ سیم و زر دی کجھ حقیقت نی۔

حدیث وچ ذکر

انہاں 10 صحابہ کرام رضی اللہ عنہم اجمعین دا ذکر عبدالرحمن بن عوف رضي اللہ تعالٰی عنہ دی روایت کردہ حدیث وچ ہے کہ:

عبدالرحمن بن عوف رضي اللہ تعالٰی عنہ بیان کریندے ہن کہ نبی صلی اللہ علیہ وسلم نے فرمایا :

ابوبکر رضی اللہ تعالٰی عنہ جنتی ہن، عمر رضی اللہ تعالٰی عنہ جنتی ہن، عثمان رضي اللہ تعالٰی عنہ جنتی ہن، علی رضي اللہ تعالٰی عنہ جنتی ہن، طلحہ رضي اللہ تعالٰی عنہ جنتی ہن، زبیر رضي اللہ تعالٰی عنہ جنتی ہن، عبدالرحمن رضی اللہ تعالٰی عنہ جنتی ہن، سعد رضي اللہ تعالٰی عنہ جنتی ہن، سعید رضی اللہ تعالٰی عنہ جنتی ہن، ابوعبیدہ رضي اللہ تعالٰی عنہ جنتی ہن ۔

وفات

18ھ وچ مسلماناں دے لشکر وچ طاعون دی وبا پھٹ پئی جینکوں عمواس دی طاعون آکھا ویندا ہے۔ اس موذی وبا نے بہت سارے مسلماناں دی جان گھن گھدی. انہاں وچوں ہک سپہ سالار اعظم امین الملت ابوعبیدہ وی ہن۔ جنہاں کوں عمر فاروق نے مدینہ واپس سݙݨ دی کوشش کیتی لیکن انہاں نے جواب ݙتا کہ ’’ میں مسلماناں دی فوج وچ ہاں تے میݙا دل انہاں توں جدا تھیوݨ کوں نی چاہندا۔ ‘‘ اس طرح اٹھونجاہ سال دی عمر وچ ایہ تاریخ ساز شخصیت مالک حقیقی نال ونج ملی ۔