ابوبکر البغدادی

وکیپیڈیا توں
Jump to navigation Jump to search

ابراہیم عواد ابراہیم علی البدری السامرائی جیہڑا ابو بکر البغدادی دے نام توں معروف ہے، موجودہ بعض عراقی و شامی علاقیاں تے قابض عراق تے الشام وچ اسلامی ریاست نامی تنظیم و ریاست دا سربراہ ہے۔ اینکوں اکثر ایندی کنیت ابوبکر البغدادی نال سݙا ویندا ہے تے اے خود کوں امیر المومنین تے خلیفہ ابراھیم وی سݙویندے ۔ 29 جون 2014ء کوں عراق تے شام وچ اسلامی ریاست دا پہلا خلیفہ ہووݨ دا ایں نے دعویٰ کیتا تے تا حال ہے۔ ایں دے سخت نظریات تے اسلام کوں بطور سخت متشدد تشخص ݙیوݨ دے سبب اسلامی دنیا تے مغربی ممالک وچ ایندے تے سخت تنقید کیتی ویندی ہے۔

ایں کوں گرفتاری دی صورت یا مارݨ کیتے امریکا نے ݙاہ ملین ڈالر انعام رکھا ،تاریخ امریکا وچ اس وقت سب توں زیادہ انعام ہک القاعدہ دے سربراہ ایمن الزاوھری دے سر توں بعد سب توں ودھ انعام رکھا ہے جیہڑا 26 ملین ہے تے اس دے بعد ابوبکر البغدادی تے جیہڑا ݙاہ ملین ہے۔

حالات[لکھو | ماخذ وچ تبدیلی کرو]

ابوبکرالبغدادی 1971ء کوں سامراء، عراق وچ پیدا تھیا تے بغداد وچ پرورش و تعلیم حاصل کیتی۔ ایندا تعلق عراق دے ہک معزز خاندان نال ہے تے سلسلہ نسب سیدنا امام علی رضا علیہ السلام نال ونج ملدا ہے۔ ایندا اصل ناں ابراہیم ہے۔ تے ایندے پیؤ دا ناں عواد بن ابراہیم بن علی البدری ہے۔ ایندا خاندان معزز تے صوفی ہئی۔ پر بغدادی دنیا دا ہک بدنام دہشت گرد بݨ گیا۔ ایں نے اسلامیہ کالج بغداد توں اسلامیات وچ پی ایچ ڈی کیتی۔ اس دے بعد اے ہک تعلیمی ادارے وچ پروفیسر وی رہا ۔

خلافت دا اعلان[لکھو | ماخذ وچ تبدیلی کرو]

2012ء وچ شام وچ خانہ جنگی تیز تھی گئی۔ بغدادی نے اپݨی تنظیم دا کچہ حصہ شام وچ بشار الاسد دے خلاف لڑݨ کیتے بهیجا۔ 2013ء وچ بغدادی اپݨی مکمل جماعت دے نال شام گیا تے شامی شہر رقہ تے کنٹرول کرݨ دے بعد بڑی تیزی نال شام و عراق دا ہک بہت بڑا رقبہ اپݨے کنٹرول وچ گھن گھدا۔ آخرکار موصل وچ 29 جون 2013ء بمطابق 1 رمضان 1435ہجری کوں بغدادی نے ہک وڈیو دے ذریعے اپݨی نام نہاد خلافت دا اعلان کر ݙتا۔

طرزِ حکمرانی[لکھو | ماخذ وچ تبدیلی کرو]

ابوبکر البغدادی کوں اس دے لوگاں نے ہک طریقہ کار دے تحت باقاعدہ اپݨا خلیفہ مقررکیتا ہے۔ داعش دے اہم ترین رہنماواں دی مجلس نے اس دے ہتھ تے بیعت کیتی ہے۔ انہاں دا دعویٰ ہے کہ اساں بغدادی کوں اوں طرح خلیفہ منتخب کیتا ہے۔ جس طرح خلفاء راشدین کوں صحابہ کرام نے کیتا ہئی۔ ابوبکر البغدادی نے اپݨے زیر اثر علاقیاں کوں ولایتاں (صوبیاں) وچ تقسیم کیتا ہے۔ ہر ولایت تے والی یا گورنر مقرر ہے۔ الرقہ دار الخلافہ ہے۔ فوج دا جرنیل بغدادی نے ابو عمر الشیشانی کوں مقرر کیتا ہے تے داعش دا ترجمان ابو محمد العدنانی الشامی ہے۔ ابوبکرالبغدادی خود کوں "امیرالمومنین" سݙویندا ہے۔ اس فوج، تعلیم، صحت، صدقات، مال تے ہر شعبے کیتے الگ الگ "دیوان" مقرر کیتے ہن ۔ جنگجوواں تے تنظیم دے ارکان کیتے باقائدہ تنخواہواں مقرر کیتیاں گئیاں ہن۔

حوالے[لکھو | ماخذ وچ تبدیلی کرو]