ابوالقاسم عبدالکریم بن ہوازن قشیریؒ
امام ابوالقاسم عبد الکریم بن ہوازن قشیریؒ المعروف بہ امام قشیریؒ، (پیدائش: 376ھ بمطابق 976ء/وفات: 465ھ بمطابق 1072ء)، انہاں کوں ابو القاسم قشیریؒ تے صاحبِ رسالہ القشیریہ وی آکھا ویندا ہے. آپؒ کوں قشیر بن کعب بن ربیعہ بن عامر بن صعصہ دی طرف نسبت کرݨ دی وجہ توں قشیری آکھا ویندا ہے۔
حالات زندگی[لکھو | ماخذ وچ تبدیلی کرو]
امام ابوالقاسم عبد الکریم بن ہوازن بن عبد الملک بن طلحہ بن محمد استوائی قشیری نیشاپوری شافعی (376ھ۔ 465ھ / 986ء۔ 1072ء ) انہاں دا پورا ناں اے. انہاں دی ولادت ربیع الاول 376ھ نیشا پور دے قریب استواء نامی وستی وچ تھئی ہیں وجہ توں نیشاپوری تے استوائی سݙویندے ہن۔ حالی ٻال ہی ہن کہ والد دا سایہ سر توں چو گیا تے یتیم دی حیثیت وچ پرورش پاتی۔
شیخ ابو علی دقاق دے وعظ وچ ونجݨ دا اتفاق تھیا جیہڑے اپݨے زمانے دے مشہور واعظ ہن جݙݨ انہاں دے اخلاص کوں ݙٹھا تاں انہاں دے حلقہ مریدین وچ شامل تھی گئے تے ول کجھ ہی عرصہ بعد انہاں توں خرقہ تصوف حاصل کیتا۔ خراسان وچ علم و فضل دے امام تے تصوف دے شیخ ہن۔ فقہ ابوبکر الطوسیؒ توں پڑھی. ابوبکر بن فورک توں علم اصول حاصل کیتا۔
16 ربیع الاول بروز اتوار 465ھ بمطابق 1072ء نیشا پور وچ وفات پاتی تے اپݨے مرشد دے پہلو وچ دفن تھئے۔
تصنیفات[لکھو | ماخذ وچ تبدیلی کرو]
- اربعون فِي الحَدِيث۔
- استفاضة المرادات۔
- بلغَة الْمَقَاصِد فِي التصوف۔
- التخبير فِي علم التَّذْكِير فِي مَعَاني اسْم الله تَعَالَى.
- التَّيْسِير فِي علم التَّفْسِير۔
- عُيُون الاجوبۃ فِي فنون الاسئلۃ۔
- الْفُصُول فِي الاصول۔
- كتاب الْمِعْرَاج۔
- لطائف الاشارات فِي تَفْسِير الْقُرْآن۔
- الْمُنْتَهى فِي نكت اولى النهى.
- نَاسخ الحَدِيث ومنسوخہ۔
- نَحْو الْقُلُوب۔
- حَيَاة الارواح وَالدَّلِيل إِلَى طَرِيق الصّلاح۔
- شكاية اهل السّنۃ بحكایۃ مَا نالهم من المحنۃ۔
- منثور الْخطاب فِي شُهُود الالباب۔
- ’’الرسالۃ القشیریہ‘‘ آپؒ دی مشہور تصانیف ہن.
۔[١]
حوالے[لکھو | ماخذ وچ تبدیلی کرو]
- ↑ هدیۃ العارفين أسماء المؤلفين وآثار المصنفين المؤلف: إسماعيل بن محمد أمين بن مير سليم البابانی البغدادی دار إحياء التراث العربي بيروت لبنان