ابوالخیر کشفی

ڈاکٹر ابو الخیر کشفی (پیدائش: 12 مارچ، 1932ء- وفات: 15 مئی، 2008ء) کراچی، پاکستان نال تعلق رکھݨ والے اردو نقاد، محقق، ماہر تعلیم تے کراچی یونیورسٹی دے سابق چیرمین شعبۂ اردو ہن۔

حالات زندگی

ڈاکٹر ابو الخیر کشفی 12 مارچ، 1932ء کوں کانپور، برطانوی ہندوستان وچ پیدا تھئے۔ انہاں دے ݙاݙا سید شاہ محمد اکبر عربی، فارسی تے اردو زبان دے مشہور عالم ہن۔ انہاں دے والد سید ابو محمد ثاقب کانپوری اپݨے زمانے دے نامور شعرا وچ شمار تھیندے ہن۔ 1947ء وچ انہاں نے انٹرمیڈیٹ دا امتحان پاس کیتا تے ول کراچی آ گئے جتھاں 1952ء وچ انہاں نے جامعہ کراچی توں ایم اے دا امتحان پاس کیتا۔ ایم اے کرݨ دے بعد انہاں نے تدریس کوں اپݨا ذریعہ معاش بݨایا۔ پہلے اوہ اسلامیہ کالج وچ تے ول جامعہ کراچی دے شعبہ اردو نال منسلک تھئے۔ ترے سال تک اوہ ہک جاپانی یونیورسٹی وچ وی اردو دی تدریس دے شعبے نال وابستہ رہے۔

ادبی خدمات

سیدابوالخیر کشفی نے اردو شاعری کا سیاسی و تاریخی پس منظر دے موضوع تے پی ایچ ڈی کیتی ہئی جیندا مقالہ کتابی شکل وچ اشاعت پزیر تھی چکا ہے۔ انہاں دی دیگر کتب وچ ہمارے عہد کے ادب اور ادیب، جدید اردو ادب کے دو تنقیدی جائزے، ہمارے ادبی اور لسانی مسائل اور خاکوں کا مجموعہ یہ لوگ بھی غضب تھے شامل ہن۔

وفات

ڈاکٹر ابوالخیر کشفی 15 مئی، 2008ء کوں کراچی وچ وفات پا گئے تے جامعہ کراچی دے قبرستان وچ آسودۂ خاک تھئے۔