ابن القلانسی
ابن القلانسی (پیدائش: 1071ء– 27 مارچ 1160ء) عرب سیاست دان تے مؤرخ ہن۔
وہاݨی[لکھو | ماخذ وچ تبدیلی کرو]
ابن القلانسی توں متعلق معلومات زیادہ فراہم نی تھی سڳے مگر جس قدر معلومات تک رسائی تھی سڳی ہے، اُس توں معلوم تھیندے کہ ابن القلانسی دا نام حمزہ ابن اسد ہئی تے کنیت ابویعلٰی ہئی۔ اُنہاں دا تعلق قبیلہ بنو تمیم نال ہئی۔ ابن القلانسی دی ولادت 463ھ/ 1071ء وچ دمشق وچ تھئی۔ اُنہاں دی زندگی دا ابتدائی حصہ دمشق وچ گزرا جتھاں اُنہاں نے مشہور علما توں تعلیم حاصل کیتی۔ ابن القلانسی نے شریعت، ادب، الہیات دی تعلیم وی دمشق وچ حاصل کیتی۔ آخرِ کار اوہ دمشق وچ دیوان الرسائل دے عہدہ تے فائز تھئے، علاوہ ازیں اوہ شہر دمشق دے ݙو واری رئیس دے عہدہ تے فائز تھئے۔
ابن القلانسی دی زندگی دا طویل حصہ دمشق وچ گزرا۔ ابن القلانسی دی پیدائش دے وقت دمشق تے دولت فاطمیہ دی حکومت قائم ہئی جبکہ 1076ء وچ زین الدولہ اِنتصار ابن یحییٰ المسعودی دے بعد سلجوقی خاندان دی حکومت قائم تھی گئی۔ 1076ء توں 1104ء تک سلجوقی خاندان دمشق تے حکومت کریندا ریہا۔ 1104ء وچ بوری خاندان برسر اِقتدار آگیا تے اِنہاں دی حکومت 1154ء تک دمشق تے قائم رہی۔ 1154ء وچ سلطان نور الدین زنگی نے دمشق تے حکومت قائم کیتی تے سلطان نور الدین زنگی دی حکومت دے چھیویں سال ابن القلانسی دی وفات دمشق وچ تھئی۔ مسلم مؤرخین دی نسبت اوہ پہلے مؤرخ ہن جیہڑے دمشق تے ترے خاندانی حکمراناں دے عینی شاہد ہن۔ ہک اندازے دے مطابق قیاس کریج سڳدا ہے کہ بوری خاندان دے عہدِ حکومت وچ اوہ والی دیوانِ بلاد الشام مقرر کیتے گئے ہن۔
وفات[لکھو | ماخذ وچ تبدیلی کرو]
ابن القلانسی نے 89 سال دی عمر وچ بروز اتوار 17 ربیع الاول 555ھ مطابق 27 مارچ 1160ء کوں دمشق، شام وچ وفات پاتی۔[١]