ابنِ صفی دے ادبی خدمات

سن 1948ء وچ عباس حسینی نے ماہنامہ نکہت دا آغاز کیتا۔ شعبہ نثر دے نگران ابن سعید (پروفیسر مجاور حسین رضوی) ہن جبکہ ابن صفی شعبہ شاعری دے نگران مقرر تھئے۔ رفتہ رفتہ اوہ مختلف قلمی ناواں توں طنز و مزاح تے مختصر کہانیاں لکھݨ لگے۔ انہاں قلمی ناواں وچ طغرل فرغان تے سنکی سولجر جیہے اچھوتے ناں شامل ہن۔ سن 1948ء وچ نکہت وچ انہاں دی پہلی کہانی فرار شائع تھئی۔

1951ء دے اواخر وچ بے تکلف دوستاں دی محفل وچ کہیں نے آکھا ہئی کہ اردو وچ صرف فحش نگاری ہی مقبولیت حاصل کر سڳدی ہے۔ ابن صفی نے اس ڳال توں اختلاف کیتا تے آکھا کہ کہیں وی لکھݨ والے نے فحش نگاری دے اس سیلاب کوں اپݨی تحریر دے ذریعے روکݨ دی کوشش ہی نی کیتی۔ اس تے دوستاں دا موقف ہئی کہ جب تک بازار وچ اس دا متبادل دستیاب نہ ہوسی، لوگ ایہو کجھ پڑھدے رہسن ۔ ایہو اوہ تاریخ ساز لمحہ ہئی جیہرلے ابن صفی نے ایسا ادب تخلیق کرݨ دی ٹھانی کہ بہت جلد لکھاں پڑھن والیاں دی توجہ دا مرکز بݨ ڳئے۔ عباس حسینی دے مشورے نال اس دا ناںجاسوسى دنيا قرار پایا تے ابن صفی دے قلمی ناں توں انسپکٹر فریدی تے سارجنٹ حمید دے کرداراں تے مشتمل سلسلے دا آغاز تھیا جس دا پہلا ناول دلیر مجرم مارچ 1952ء وچ شائع تھیا۔