ابنِ بطلان
انیس المختار بن الحسن بن عبد ون بن سعدون بن بطلان، اہلِ بغداد دے مشہور طبیب گزرے ہن، ابی الفرج بن الطیب دے شاگرد ہن تے مشہور طبیب ابا الحسن ثابت بن ابراہیم بن زہرون الحرانی دے نال ریہے تے انہاں دے علم توں وی استفادہ کیتا، اوہ مصر دے مشہور طبیب علی بن رضوان دے ہم عصر ہن، ہک ݙوجھے نال ملݨ توں پہلے انہاں دے درمیان کافی بحث ومباحثے تھئے.
علمی خدمات[لکھو | ماخذ وچ تبدیلی کرو]
ابن بطلان نے بغداد توں رختِ سفر ٻدھا تے موصل تے دیار بکر توں تھینداے ہوئے حلب وچ کجھ عرصہ ریہے جتھوں دے والی معز الدولہ ثمال بن صالح نے انہاں دا خوب اکرام کیتا تے ول حلب چھوڑ کے اپݨے حریف ابن رضوان کوں ملݨ دی غرض نال مصر دی طرف ٹر پئے تے یکم جمادی الآخر 441 ہجری کوں فسطاط وچ داخل تھئے جتھاں اوہ ترے سال تک ریہے، اس دوران اپݨے حریف ابن رضوان نال انہاں دے خوب بحث ومباحثے تھئے تے اختلافی مقالے لکھے گئے جنہاں دے نتیجے وچ ابن بطلان نے غصہ وچ آکے مصر چھوڑ ݙتا تے ابن رضوان دی مخالفت تے ہک مشہور مقالہ لکھا. [١]
مصر چھوڑ کے اوہ 446 ہجری کوں قسطنطنیہ دی طرف نکل پئے جتھاں اس زمانے وچ طاعون دی وبا پھیلی ہوئی ہئی، قسطنطنیہ وچ ہک سال گزارݨ دے بعد اوہ انطاکیہ چلے گئے تے اتھائیں دے تھی کے رہ گئے، اس دوران اوہ کثرتِ سفر توں تنگ آچکے ہن چنانچہ دنیا چھوڑ کے عبادت وچ مصروف تھی گئے تے ہیں حال وچ 455 ہجری کوں انتقال کر گئے .