ابراہیم اسماعیل چندریگر

وکیپیڈیا توں

ابراہیم اسماعیل چندریگر پاکستانی سیاست دان، 1897ء وچ احمد آباد وچ پیدا تھئے۔ آپ نے ممبئی یونیورسٹی توں قانون دی ڈگری حاصل کیتی تے احمد آباد وچ وکالت شروع کیتی۔ 1924ء وچ احمد آباد میونسپل کارپوریشن دے رکن بݨے تے 1937ء وچ بمبئی اسمبلی دے رکن چݨے گئے۔ اگلے سال بمبئی اسمبلی وچ مسلم لیگ پارٹی دے ڈپٹی لیڈر منتخب تھئے۔ 1940ء توں 1945ء تک بمبئی مسلم لیگ دے صدر وی ریہے۔ 1947ء وچ جݙݨ مسلم لیگ ہندوستان دی عارضی حکومت وچ شامل تھئی تاں لیگ سے نمائندے دی حیثیت نال وزارت تجارت دا قلمدان انہاں دے سپرد کیتا ڳیا۔ اوں سال جینوا وچ اتحادی قوماں دی تجارتی کانفرنس وچ برصغیر دی نمائندگی وی کیتی۔ آزادی دے بعد پاکستان دی مرکزی کابینہ وچ اگست 1947ء تا مئی 1948ء تے اگست 1955ء تا اگست 1956ء وزیر ریہے۔

گورنر[لکھو | ماخذ وچ تبدیلی کرو]

فروری 1950ء تا نومبر 1951ء صوبہ سرحد دے تے نومبر 1951ء تا مئی 1953ء صوبہ پنجاب دے گورنر ریہے۔

وزیر اعظم[لکھو | ماخذ وچ تبدیلی کرو]

17 اکتوبر 1957ء توں 16 دسمبر 1957ء تک پاکستان دے وزیر اعظم ریہے۔

وفات[لکھو | ماخذ وچ تبدیلی کرو]

26 دسمبر 1960ء کوں وفات پاتی۔

حوالے[لکھو | ماخذ وچ تبدیلی کرو]