آرڳالی
آرڳالی یا پہاڑی بھیݙ (Ovis ammon)، بھیݙ دی جنگلی نسل ہے۔ ایہ وسط ایشیاء تے جنوبی ایشیاء وچ ہمالیہ، تبت تے آلتے دے پہاڑی علاقیاں وچ پائی ویندی ہے۔
.png)
ایہ بھیݙاں وچ دریافت تھیوݨ والی سب توں وݙی جسامت والی بھیݙ ہے تے ایں دا قد تقریباً 120 سینٹی میٹر ہوندا ہے۔ ایں دا وزن تقریباً 140 کلوگرام تک تھی سڳدا ہے۔ پامیر آرڳالی یا مارکوپولو بھیݙ جیہڑی عظیم سیاح مارکوپولو دی وجہ توں مشہور ہے۔ ایں نسل وچ سب توں مشہور پہاڑی بھیݙ ہے۔ ایں دی لمبائی 6 فٹ تک ہوندی ہے۔ عالمی سطح تے ایں نسل دی بھیݙ دی بقاء خطرے نال دوچار ہے۔