آثار نبوی صلی ﷲ علیہ وسلم دی حفاظت

ایں کائنات اچ گھٹ ودھ ہک لکھ تے چوی ہزار انبیاء کرام علیھم السلام تشریف گھن آئے ہن ـ انھاں دے وچوں کئیں نبی علیہ السلام دی زندگی محفوظ کونھی ـ انھاں دے منݨ آلاں کوں پتا کونھی ڄو انھاں دے نبی کیویں زندگی گزاری ہےـ دنیاں دے وچ تقریبًا ساݙھے ترائے ارب عیسائی ہن انھاں کوں اے علم کونھی ڄو عیسٰی علیہ السلام کیویں زندگی گزاری ـ انھاں کول ڄیری کتاب ہے او وی محرف تے تبدیل شدہ ہےـ رب دا اصل کلام انھاں کول محفوظ کونھی ـ دنیاں تے یہود سیاسی، عسکری تے معاشی لحاظ نال قابض ہن بھلا انھاں کول موسٰی علیہ السلام دی حیات تے وحی الٰہی یعنی تورات اصل حالت اچ موجود کونھی ـ زبور وی تبدیل تھی چکی ہےـ صرف ہک کتاب آپݨی اصل حالت اچ موجود ہے قرآن مجیدـ ڄیری الفاظ حضرت ابو بکر و عمر رضی ﷲ عنھم سݨے اوہے اساں گناہگاراں اویں ہی بغیر کئیں زیر زبر دی تبدیلی دے سݨےـ چوݙاں صدیاں دے طویل سفر دے بعد وی ﷲ پاک دے کلام اچ کئی فرق نیں آیاـ اے سارا ﷲ پاک دا فضل ہے ڄئیں اس پاک کلام حفاظت دی ذمہ داری خود آپݨے ذمے گھدی ہئی ـ ===ترجمہ=== "اے ذکر (قرآن) اساں آپ اتارا ہے تے ایندی حفاظت دی ذمہ داری وی ساݙے ذمے ہے"ـ ایندا ݙوجھا پہلو اے ہے ڄو قرآن پاک تاں محفوظ ہووے تے صاحب قرآن دی زندگی محفوظ نا ہووے تاں اساں ناں صرف ہکے پہلو کول محروم ہوسوں بلکہ قرآن تے عمل کرݨ وی ممکن نا راہسی ـ کیونکہ قرآن آدھا ہےـ ===ترجمہ=== " تہاݙے واسطے رسولﷲ صلی ﷲ علیہ وسلم دی زندگی بہترین نمونہ ہے" ـ ساݙے کول او زندگی ہووے وی نئیں تاں ﷲ پاک دا ایں حکم ڄو ﷲ تے اوندے رسول صلی ﷲ علیہ وسلم دی اتباع کرو تے عمل ممکن نا راہسی ـ اس کیتے علماء کرام دے نزدیک جتھاں قرآن دی حفاظت دی ذمہ داری ﷲ پاک کول ہے اونویں آر نبی کریم صلی ﷲ علیہ وسلم دی زندگی دی حفاظت وی ﷲ پاک قیامت تئیں فرمیندا راہسی ـ حضور صلی ﷲ علیہ وسلم قرآن دے انھاں لوظاں دے معنی تے مفہوم آپݨے عمل نال سمجھائے ـ نماز دا حکم اترا تاں سوہݨے اے نئیں فرمایا ڄو اینویں کھڑو تے قیام تے رکوع کرو تے سجدے کرو بلکہ فرمایاـ ===ترجمہ=== "میکوں ݙیکھو ڄیویں میں کراں تساں اونویں کرائے ویندے نماز ٻݨدی ویسی"ـ اینویں آر مناسک حج ڳݨ کے نیں ݙسے ڄو اے فرض ہن تے اے واجب ہن بلکہ فرمایا ===ترجمہ=== "میݙے عمل کوں ݙیکھو"ـ لہزا اساں سوہݨے دے عمل کوں ݙیکھسوں تاں قرآن تے عمل کر سڳسوں ـ الحمدﷲ اساں او خوش بخت لوک ہیں ڄیندے کول مٹھے مدنی دی تشریف آوری کول ایں دنیاں توں پڑدہ وٹینداں تئیں ساری حیات مبارکہ دا ہک ہک لاظہ محفوظ ہے تے محفوظ کرݨ آلاں دی محنت ݙیکھو ڄو سیرت تاں سیرت اطراف سیرت دی وی ہر ہک شئے اینویں ساݙے تئیں پہنچی ڄیویں اساں اڄ وی آپݨی اکھیں نال سوہݨے کوں ٹردا پھردا، اٹھدا ٻاہندا ݙیدھے ودے ہوؤں ـ سوہݨے دی زندگی کوں اینویں ݙیکھ سڳدے ہیں ڄیویں سوہݨے دے نال راہوݨ آلے مشاہدہ کریندے ہن ـ قرآن دیاں تفسیراں، سیرت دیاں کتاباں، حدیث دیاں کتاباں، صحابہ دے اقوال، اولیاء کرام دے ملفوظات سارے حضور صلی ﷲ علیہ وسلم دی زندگی کوں ساݙے تئیں پچیندے پئین ـ سوہݨے دی ساری زندگی غلاماں دی محبت دی صورت اچ ساݙے تئیں پڄدی پئی ہےـ اے محفوظ کرݨ آلے کئی جذباتی مقرر، واعظ، شعراء یا نعت خوان نن بلکہ اس کائنات دے چُݨے ہوئے ڄݨے ہن ـ انھاں غلاماں فرائض و واجبات تاں احسن انداز اچ ساݙے تئیں پچائے ہی پچائے سوہݨے دی ذات نال جُڑی ہر شئے اینویں پچائی ڄو دنیاں ݙنداں دے وچ انگلیاں پا ݙیدھی رہ ڳئی ـ

منبرِ رسول صلی ﷲ علیہ وسلم

حضور صلی ﷲ علیہ وسلم ڄیرے منبر تے تشریف فرما ہوندے رہے اس منبر تے ویح کول زیادہ کتاباں لکھیاں ڳئیاں ہن ـ انھاں کتاباں دے وچ منبر دی تیاری، لکڑ دی قسم، لکڑ کتھوں آئی، کوݨ، کݙاں تے کتھوں کپ گھنایا، کیری ڈیہوار تیار تھیا، سوہݨے کتنے تے کیرے کیرے خطبے اوندے اتے ارشاد فرمائے، منبر کݙانھ مسیت کول باہر وی ڳیا یا اتھائیں پیا ریہا ہئی، سوہݨا کیویں منبر تے تشریف فرما ہوندے ہن، کیری پوڑی تے ٻاہندے ہن غلاماں سوہݨے دی محبت اچ ساریاں تفصیلاں ساݙے تئیں ناں صرف پُچائیاں بلکہ ساکوں ہر شئے جیندی جاگدی اکھیں نال ݙکھئی ـ جاری ہے