آبنائے جبرالٹر

آبنائے جبل الطارق (انگریزی: Strait of Gibraltar) بحر اوقیانوس کوں بحیرہ روم نال منسلک کرݨ والی ہک آبنائے ہے جیہڑی اسپین تے مراکش کوں جدا کریندی ہے۔ ایں آبنائے کوں ایہ ناں جبل الطارق (جبرالٹر) دے ناں تے ملا، جتھاں 711ء وچ بنو امیہ دے جرنیل طارق بن زیاد اسپین فتح کرݨ کیتے لتھے ہن۔ آبنائے دے شمال وچ جبل الطارق تے اسپین جبکہ جنوب وچ مراکش واقع ہے۔ اے آبنائے شاندار محل وقوع دے باعث دنیا بھر وچ ڄاݨی ویندی ہے، جتھوں بحری جہاز بحیرہ روم تے بحر اوقیانوس دے درمیان سفر کریندن۔ آبنائے دی گہرائی تقریباً 300 میٹر ہے تے ایندی لمبائی کم از کم 14 کلومیٹر ہے۔