زین عشرت لغاری

زین عشرت لغاری سرائیکی شاعر ہے

ڄم پل

چوٹی نال تعلق ہے۔

نمونہ کلام

غزل

تیڈی میڈی محبت دی طلب دا کوئی کنارا نئیں

جیویں رب سئیں مذہب بخشے مذہب دا کوئی کنارا نئیں

ساکوں شاعری دی کیا سدھ ہے اساں کیا شعر لکھنڑیں ہن

کیویں منزل سمجھ ویسن ادب دا کوئی کنارا نئیں

کتھائیں بکھ وی سنجیدہ ہے زمانے کوں پتا کائنی

کیویں سمجھوں ضمیریں کوں سبب دا کوئی کنارا نئیں

اساں قلزم دے ربط اچ نئیں ولا مرشد کیویں ملسی

جڈاں عشق ہے حقیقی دے نسب دا کوئی کنارا نئیں

جنیدا کلمہ اساں پڑھدوں کڈاہیں کہیں جاہ تے نئیں ٹکریا

جیندا ہر دل مکاں ڈسدے اوں رب دا کوئی کنارا نئیں

اساں مٹی دے پیکر ہیں اساں ہک ڈنیہ مٹ ویسوں

ساڈے عیباں دے کوٹھے وچ نقب دا کوئی کنارا نئیں

جیندے در دی میں بردی ہاں میڈا ناں ہے لقب اوندا

میکوں اوں زین بخشے چا لقب دا کوئی کنارا نئیں

ازقلم ۔۔زین عشرت لغاری

سنیہا

مسجد مندر کجھ نئیں لبھنڑاں ہر شئے تیڈے کول

حرص ہوس دی خلقت دے وچ نہ ہنڑ خود کوں رول

ب دا نقطہ سیدھا راہ ہے قلب آپنڑیں وچ گول

کل کوں قبر اندھیری دے وچ ہوسیا سکھڑاں خول

اٹھی سچ ہن بول اٹھی سچ ہن بول

ازقلم۔۔۔؛،؛،

زین عشرت لغاری

ڈوہڑہ

جیکوں سدھ نئیں عیداں کیا ہوندین اوندی ذات تے طنز کریندا نئیں

تیڈے لگ وسدے شالا خوش رہون کہیں بشر دا عیب ڈسیندا نئیں

کجھ ڈے نئیں سگدا کجھ نہ ڈے پڑھ کلمہ سود لکھیندا نئیں

جیکوں یار سڈیجے زین مٹھا اوکوں دشمن سمجھ مریندا نئیں

ازقلم ۔۔۔زین عشرت لغاری [[ونکی:سرائیکی شاعر]]