آبنائے باب المندب

آبنائے باب المندب ایشیاء تے افریقا کوں جدا کرݨ والی آبنائے ہے جیندے ایشیائی جانب یمن تے افریقی جانب جبوتی واقع ہے۔ ایہ بحیرہ قلزم تے بحر ہند (خلیج عدن) کوں ملیندی ہے۔ اے محل وقوع دے اعتبار نال انتہائی اہمیت دی حامل ہے تے دنیا دی مصروف ترین آبی گذرگاہواں وچوں ہک ہے۔

جزیرہ نما عرب تے راس منہلی تے افریقا تے راس سیان دے درمیان واقع ایں آبنائے دی زیادہ توں زیادہ چوڑائی 20 میل (30 کلومیٹر) ہے۔ پیرم دا جزیرہ ایں آبنائے کوں ݙو حصیاں وچ تقسیم کریندے جنہاں وچوں مشرقی آبنائے باب اسکندر سݙیندی ہے جیہڑی ݙو میل چوڑی تے 30 میٹر گہری ہے جبکہ مغربی 16 میل چوڑی تے 310 میٹر گہری ہے۔