ڈاکٹر حبیب جگوال

ڈاکٹر حبیب جگوال سرائیکی زبان دا شاعر ہے۔

نمونہ کلام

اُچے ٹبے اُتے بَر تھی ڳئے ہِن مال دے بھاݨیں،

رُل ڳئے،رُل ڳئے ساݙے تھل دے لوک نماݨیں۔۔

وسدی جھوک دے لوک ہاسے ہُݨ اللہ ڄاݨیں۔۔۔

مینھ آوے،برسات تے جاوآں جنگل بیلے،

رُس ڳئے ہِن جنگلات تے لاݨیں نہی الواݨیں۔۔

وسدی جھوک دے لوک ہاسے ہُݨ اللہ جاݨیں۔۔۔۔

بَنھ،بَنھ ہتھ ڄالیں اڳوں مجال کریندوں،

پیلہوں ہیٹھ پݨیال تے ساݙے نِت دے داݨیں۔۔

وسدی جھوک دے لوک ہاسے ہݨ اللہ ڄاݨیں۔۔۔۔

کامی مال کوں سَݙ نہ مارو آپ او آوے،

حسدی جھوک تے سُنڄ تھی ڳئے ہُݨ سبھی ٹھکاݨیں۔۔

وسدی جھوک دے لوک ہاسے ہݨ اللہ ڄاݨیں۔۔۔۔

رب دی ݙِتی اُوئی ݙآت کوں جگوال کوݨ پہچاݨیں،

دَر ،دَر تے وَدے پِندے ہن بال ݙُو جُنج دے داݨیں۔۔

وسدی جھوک دے لوک ہاسے ہُݨ اللہ جاݨیں۔۔۔

لکھت: ڈاکٹر حبیب جگوال۔