عصمت گرماݨی
عصمت گرماݨی سرائیکی زبان دا شاعر ہے،
نمونہ کلام[لکھو | ماخذ وچ تبدیلی کرو]
ساکوں جیکر جلایو تاں
اندھارے کوں جلا ݙیسوں
ساݙی فطرت اجالا ہے
اساں تاں سوجھلا ݙیسوں
اساں وکھرے وپاری ہیں
ساݙی وکھری تجارت ہے
پلُوتے بھیج ݙے ساݙو
اساں ݙوڑی دعا ݙیسوں
ہوا دے ہتھ سنیہا پٹھ
محبت دیاں نشانیاں وی
تیݙا رزق ہے تیݙیاں شئیں ہن
تیݙے در تے پُچا ݙیسوں.
ساکوں بے پرد کیتے سی.
ساݙے تارے لتاڑیے نِس
کݙاہیں جے پَھر پیوسے تاں
تیݙے سِجھ کوں سزا ݙیسوں
توں ساݙی ہیر بنڑ تاں سہی
اساں رانجھنڑ دی بیعت ہیں
بیا تاں کجھ نسے پھردے
تیکوں منجھیں چرا ݙیسوں
ساݙے اندر دے شیشے دو
جے کر پتھر الاریا تئیں.
اساں دنیا دے شیشے کوں
تیݙا چہرہ ݙکھا ݙیسوں
اساں تیݙیاں چنگایاں ہیں
ساکوں کھوہ ءچ سٹیندا جُل
جیویں جو سݙ مریسیں توں
اونویں عصمت الاء ݙیسوں
عصمت گرمانی