انٹارکٹیکا

انٹارکٹکا دنیا دا انتہائی جنوبی براعظم ہے، جتھاں قطب جنوبی واقع ہے۔ ایہ دنیا دا سرد ترین، خشک ترین تے ہوا دار ترین براعظم ہے، جبکہ ایندی اوسط بلندی وی تمام براعظماں توں زیادہ ہے۔ 14٫425 ملین مربع کلومیٹر دے نال انٹارکٹکا ایشیا، افریقا، شمالی امریکا تے جنوبی امریکا دے بعد دنیا دا پنجواں وݙا براعظم ہے۔ انٹارکٹیکا 98 فیصد برف نال ڈھکا ہوا ہے جیندے باعث اتھاں کوئی باقاعدہ و مستقل انسانی وستی نی۔ صرف سائنسی مقاصد کیتے اتھاں مختلف ممالک دے سائنس دان قیام پزیر ہن۔