6 مارچ سرائیکی ثقافتی ݙین٘ہ

6 مارچ سرائیکی ثقافتی ڈہنیہ مبارک ہووے

تحریر :اورنگزیب اورنگ بغلانی

سرائیکی ثقافتی ݙینھ مبارک ہووے تمام سرائیکی قوم کوں، خاص کر اُنہاں سرائیکیاں کوں جیڑھے پوری دُنیا اِچ وسدے پِن تے اپݨی ثقافت، زبان تے رہتل دا پرچم بلند کیتی پئین۔ ایہ ݙینھ صرف ہک تقریب کائنی بلکہ اِیں اَثیل تہذیب دی عظمت، اِیندے ماضی دی شان تے مستقبل دے امیداں دا اِظہار اے۔ سرائیکی ثقافت ہک وسیع تے گہری تاریخ رکھدی اے، جیڑھی صدیوں توں اِیں خطے دے لوکاں دی رگوں اِچ رَچی بسی ہوئی اے۔ سرائیکی زبان، جیڑھی ہک میٹھی تے دلکش زبان اے، صرف ہک وسیلہ رابطہ کائنی بلکہ اِیں خطے دی روح اے۔ اِیندے وچ او ظرافت، او سادگی تے او گہرائی اے جیڑھی کہیں ٻئی زبان وچ ٻہوں گھٹ مِلدے۔ سرائیکی زبان دا ہر لفظ، ہر محاورہ تے ہر شعر اِیں خطے دے لوکاں دے جذبات، اُنہاں دے رِیت رواج تے اُنہاں دے فلسفے دا عکاس اے۔ سرائیکی ثقافتی ݙینھ اِیں زبان تے ثقافت کوں مناوݨ دا ہک موقع اے۔ اِیں موقعے تے اَساں اپݨی زبان، اپݨی ثقافت تے اپݨی رہتل کوں زندہ رکھݨ دا عہد کرݨاں چاہیدے ہیں ۔

اَساں اپݨے نویں نسل کوں اِیں زبان تے ثقافت نال جوڑݨ دی کوشش کریندے پئے ہئیں۔تاکہ اِیہ نسل اپݨی اصل سرائیکی زبان نال جُڑی رہ سڳے۔

سرائیکی ثقافتی ݙینھ صرف تقریبات تے جلساں تک محدود کائنی ہووݨا چاہیدا۔ اِیں ݙینھ تے اَساں اپݨی زبان کوں فروغ ݙیوݨ دی خاطر عملی اقدامات کرݨے چاہیدے ہن ۔ اَساکوں سرائیکی زبان اِچ کتاباں لکھݨیاں چاہیدیاں ہن، اِیندے اِچ شاعری کرݨی چاہیدی اے، اِیندے اِچ تحقیق کرݨی چاہیدی اے اتے اِیندے اِچ تعلیم ݙیوݨی چاہیدی اے۔ اپݨی زبان کوں جدید ٹیکنالوجی نال جوڑݨ دی کوشش کرݨی چاہیدی ہے تاکہ اِیہ زبان ترقی کر سڳے تے اِیندا دائرہ کار وسیع تھی سڳے۔ سرائیکی ثقافتی ݙینھ اِیں سوچ دا اِظہار اے جو اَساں اپݨی زبان تے ثقافت کوں کݙاہیں وی مرݨ نئیں ݙیوݨا۔ اِیں زبان تے ثقافت کوں زندہ رکھݨ دی خاطر ہر ممکن کوشش کرݨی چاہیدی اے۔ اپݨے گِھراں اِچ سرائیکی زبان کوں اَغازِ گفتگو بݨاوݨا چاہیدا اے، اپݨے ٻالاں کوں سرائیکی زبان سکھاوݨی چاہیدی اے تے اپݨے معاشرے اِچ اِیں زبان کوں عزت تے وقار ݙیوݨا چاہیدا اے۔ سرائیکی ثقافتی ݙینھ اِیں عزم دا اِظہار اے جو اپݨی زبان تے ثقافت کوں کݙاہیں وی پِچھے نئیں ٹُورݨا۔ اپݨی زبان تے ثقافت کوں ترقی ݙیوݨ دی خاطر ہر ممکن کوشش کرݨی چاہیدی اے۔ اپݨی زبان تے ثقافت کوں جدید دور دے تقاضاں دے مطابق ڈھالݨا چاہیدا اے تاکہ اِیہ زبان تے ثقافت ترقی کر سڳے تے اِیندا دائرہ کار وسیع تھی سڳے۔ سرائیکی ثقافتی ݙینھ مبارک ہووے!