ݙیوالی (ݙیویاں آلی رات)

کوئی بھانویں کجھ پیا آکھے خوشیاں مناونْ دی رات نہ ہندو ہوندی ہے نہ مسلمان تے نہ عیسائی ۔ اج وی ستلج دریا دے کنڈے اتے راہونْ آلی میڈی بوآ مریم اپنْی پوری وستی نال رل تے ڈیوالی منیدن۔ "ڈیویاں آلی رات" جیکوں "ڈیوالی یا دیوالی" آکھدن اے میڈی سرائیکی دھرتی دی او رات ہے جتھ ہر کوئی اپنْی اپنْی اندر دی خوشیاں، من منوتیاں دی مراد، تانگھاں مُکنْ دی آس ءچ ہک بئے نال سانجھ رلیندن۔ ہر سال کمہار ایں تانگھ تے ڈیویاں دے انوڑ لا رکھدن جو ہر کوئی ڈیوالی دی رات کوں گھیو دے ڈیوے ہر گھر دی کندھیاں آتے تندیر نال لا رکھسی ۔ شالا وسیب ول ول ڈیویاں آلی رات ہر سال مناوے ۔ (شہزاد عرفان)