یونین کونسل نتکاݨی، تونسہ شریف
- یونین کونسل نتکانی تونسہ شریف *****
کھیر پی خیر دے حال ہن لنگھ آئے ہاؤ ڈاڈھی خوشی تھئ ہے ساڈے حال تھاڈے حال سانجھے ہن ہکے ملخ دے ہکے وسیب دے واسی ہیں تھاڈے ساڈے مالک ہکو جھئیں ہن ہک مالک تھک پُوندے اُو ڈُوجھے کوں ویچ ڈیندے لُڑدھا مال ہئیں چوریں دے کپڑے ڈانگیں دے گز بھلے دا بھلا تھیندے اساں آپڑیں آپ نال جو بھلے ناسے ساڈا بھلا کئیں کرنڑاں ھا ۔ مداری اکھیں مُندریندے ہن پَر ساڈا تاں زہن مُندریا گئے کوئ سُدھ نیں کیا تھیندا پئے کیا تھیسی یونین کونسل نتکانی بدبودار گلیاں جتھاں غلاظت دے اندرو ہک نسل پروان چڑھی ھے اُوں اوھا غلاظت اوہا بدبو نویں نسل کوں تحفہ ڈتی ھے قبضہ گیر مافیا جنھیں پوری تحصیل تونسہ شریف کوں آپڑیں جاگیر سمجھے انھیں اوہو حال کیتے جیرھے حال دی عوام مستحق ہئ غلامیں دے حقوق نیں ہوندے قیمت ہوندی ھے ٹکے دے مُل وکدن یونین کونسل دا کونسلر یا ناظم وغیرہ توں گھن وڈی سرکار تک وڈی سرکار توں گھن ہر اُو بندہ جیرھا انھیں کوں ووٹ ڈیندے اُو مجرم ھے ایں مٹی دا اُو ڈیونڑے دار ھے ایں وسیب دا ۔اندھا بندہ الا سمجھ کے ڈس ڈیندے اے کیرھا جوان الیندا پئے سجاکے بندے اج تک اے نیں سمجھ سگیے کیرھا جوان جُھگا بھنیندا پئے ول ول جو ہکی سُر تے نچدے کھڑے ھاؤ چیل تاں بھجڑیں ہئ انھیں گلیں کوں ڈیکھ کے وستی دی حالت ڈیکھ کے اگر کڈھائیں سُتا ضمیر سجاک تھی پووے تاں جیرھی پارٹی دے نشان تیں مُہراں لئے نے اُوندے نمائیندے دی گچی ءچ ہتھ گھتو نتاں نسلیں دے ڈیونڑے دار تھیسو ظالم اوں وقت تک ظالم نیں بنڑدا جڈاں تک مظلوم اوندی امداد نہ کرے ۔جمیل بلوچ