یونیسیف
یونیسیف:یونائیٹڈ نیشنز انٹرنیشنل چلڈرنز ایمرجنسی فنڈ
[لکھو | ماخذ وچ تبدیلی کرو]یونیسیف، جئیں دا پورا ناں یونائیٹڈ نیشنز انٹرنیشنل چلڈرنز ایمرجنسی فنڈ ہا، ہݨ یونائیٹڈ نیشنز چلڈرنز فنڈ دے ناں نال ڄاݨیا ویندا ہے۔ ایہ اقوام متحدہ دا ہک ادارہ اے جیڑھا پوری دنیا اچ ٻالاں کوں انسانی تے ترقیاتی امداد ݙیندا ہے۔ یونیسیف دنیا دے سَب توں مشہور تے نظر آوݨ والے سماجی بہبود دے اداریاں وچوں ہک ہے، جیڑھا جو 192 ملکاں تے خطیاں اچ کم کریندا پئے۔
یونیسیف ٻالاں دی زندگی کوں بہتر بݨاوݨ کیتے مختلف شعبیاں اچ کم کریندا ہے۔ ایندے کجھ اہم کم ایہ ہن:
· ٻالاں کوں بیماریاں توں بچاوݨ: یونیسیف ٻالاں کوں خطرناک بیماریاں توں بچاوݨ کیتے ویکسینیشن کریندا ہے تے ٻیماریاں دی روک تھام دے طریقے ݙسیندا ہے۔
· ایچ آئی وی/ایڈز دا علاج: یونیسیف ٻالاں تے ماواں کوں ایچ آئی وی/ایڈز دے علاج دی سہولت ݙیندا ہے۔
· ٻالاں تے ماواں دی غذائیت: یونیسیف ٻالاں تے ماواں دی غذائیت کوں بہتر بݨاوݨ کیتے کم کریندا ہے تے غذائی قلت دا شکار ٻالاں کوں غذائی امداد ݙیندا ہے۔
· صفائی: یونیسیف ٻالاں تے انہاں دے خانداناں کیتے صاف پاݨی تے صفائی دی سہولیات دی فراہمی کیتے کم کریندا ہے۔
· تعلیم: یونیسیف ٻالاں دی تعلیم کوں ودھارا ݙیندا اے تے سکول نہ ونڄݨ والے ٻالاں کوں تعلیم ݙیوݨ کیتے کوشش کریندا ہے۔
· ہنگامی امداد: یونیسیف قدرتی آفتاں یا ٻئے ہنگامی حالات اچ ٻالاں کوں فوری امداد ݙیندا ہے۔
یونیسیف دا مقصد ہر ٻال کوں صحتمند، محفوظ تے خوشحال زندگی ݙیوݨ ہے۔ اے ادارہ ٻالاں دے حقوق دی حفاظت کیتے وی کم کریندا ہے تے ہر ٻال کوں تعلیم، صحت تے تحفظ دا حق ݙیوݨ کیتے جدوجہد کریندا ہے۔ یونیسیف اپݨے کم اچ حکومتاں غیر سرکاری تنظیماں تے ٻئے شراکت داراں نال رَل کے کم کریندا ہے۔ ایندے نال نال، یونیسیف عام لوکاں توں وی مالی امداد دی اپیل کریندا اے تاکہ ٻالاں دی زندگی کوں بہتر بݨایا ونج سڳے۔
یونیسیف ہک عالمی ادارہ ہے جیڑھا ٻالاں دی فلاح و بہبود کیتے وقف ہے۔ ایندے کم دی دنیا بھر اچ تعریف کیتی ویندی ہے تے اینکوں ٻالاں دے حقوق دا علمبردار سمجھیا ویندا ہے۔