یونس قیصرانْی

اصل ناں       غلام یونس

تخلص         یونسؔ

جٖمنْ            1961ء

تعلیم            ایف ۔اے،بی ایڈ

پیشہ            ریٹائر ٹیچر

فون نمبر         0346 7318357

جاہ پتہ          کوٹ قیصرانْی تحصیل تونسہ شریف ضلع ڈیرہ غازی خان

شعرو ادب دے حوالے نال تونسے دی دھرتی کوں یونانِ صغیر آکھیا ویندے ۔یونس خان قیصرانْی دا تعلق وی تونسے دی دھرتی نال ہے ،جئیں 2011ء کوں یعنی بُٖڈھیپے وچ شاعری دا آغاز کیتا، مگر تھوڑے عرصے وچ شاعری دے حوالے نال یونس خان اپنْی پہچانْ بنْا گھدی ۔نمونہ کلام ملاحظہ تھیوے۔

(1)غزل

قسم رب دی حشر تانْی نہ اے رشتے جدا تھیسن

توں اپنْے قول کوں پالیں ، میڈٖے وعدے وفا تھیسن

میکوں پک ہا محبت دے تقاضے دار تئیں نیسن

اِنوں ظالم زمانے دے ٹھکارے وی ٹھکا تھیسن

میں تاں شبرات وی جانی کلھیں رو رو گزاری ہے

خبر کیا ہئی نصیبیں دے ونڈارے اجٖ ولا تھیسن

میڈٖا جاڳنْ اے راتیں دا ، میڈٖا روونْ اجایا ڳئے

میکوں سدھ ہئی ہمیشہ لو اندھارے آشنا تھیسن

ہجر دا روڳ ظالم ہے تیکوں یونسؔ میں آکھیا ہا

فقط لحظے لو سکھ ملسی ، ایندے دورے ولا تھیسن