یونان وِچ زنانیت
یونان وِچ زنانیت (اردو: یونان میں نسائیت، کنوں) نے وِیہویں صدی وِچ آپݨیاں ڄڑاں تَکڑائی نال ݙُونگھیاں کِیتیاں، اُنویہویں صدی دے وِچالے اَتے وِیہویں صدی دے اَغاز وِچ برطانیہ اَتے آئر لینڈ، ریاستہائے متحدہ امریکا اَتے باقی دُنیاں وِچ زنانیت دے نظریے کوں مقبولیت حاصل تِھیوݨ دے فوراً بعد اِیں تحریک نے ساری دُنیاں وِچ سماجی اَتے سیاسی حیاتی وِچ بَدلیاں گِھن آوݨ دا اَغاز کر ݙِتّا۔ یونان وِچ 1952ء وِچیونانی زنانیاں کوں چوݨ دا حَق مِلیا[١]۔ یونان نے 1983ء وِچ تریمتیں دے خلاف نسلی وِتھ دیاں ساریاں ونکیاں دے خاتمے دے کنونشن اُتے گُھڳّی ماری اَتے اُون٘دی توثیق کِیتی[٢][٣][٤]۔
ایتھنز جیہیں وݙّے یونانی شہر وِچ زنانیاں دا معاشرے اَتے بِیادری وِچ وَدھ اہم کردار ہَئی۔
زنانیاں کِیتے قنُون بݨاوݨ
[لکھو | ماخذ وچ تبدیلی کرو]یونانی زنانیاں دی ذِمّے واری روایتی طور تے گھروڳے کَمّاں تئیں محدود ہَئی۔ بھان٘ویں اُوں نے گھر دا کَم کِیتا ہووے یا ٹَٻَّر کِیتے کھاݨاں پکایا ہووے۔ گھر یونانی زنانیاں دی حیاتی وِچ ایݙا اہم عنصر ہَئی جو لوک گھر دی صفائی کوں اِین٘دے وِچ رہوݨ آلی تریمت دے کردار نال جڑین٘دے ہَن۔
جِتّھاں تئیں ٻال ڄَماوݨ دا تعلق ہے، ٹَٻّر دا حجم اَتے اُون٘دا مستقبل پئے دیاں آساں اُتے منحصر ہے۔
گھروڳے تشدّد روایتی طور تے ہِک ذاتی مسئلہ ریہا ہے پر حالیہ ݙہاکیاں وِچ وِچار بدل ڳئے ہِن۔ 2006ء وِچ یونان نے 2006ء دا قانون نمبر 3500 گھروڳے تشدّد دا مقابلہ کرݨ کِیتے پاس کِیتا جہڑا گھروڳے تشدّد کوں جرم قرار ݙین٘دا ہے این٘دے وِچ ازدواجی عصمت دری وی شامل ہِے۔
یونان نے 2009ء وِچ ٻالاں دے جنسی استحصال اَتے بد سلوکی کنوں تحفظ کِیتے کونسل آف یورپ کنونشن دی توثیق کِیتی، اِیہ پہلا بین الاقوامی معاہدہ ہے جہڑا گھر یا ٹٻّر دے اندر ٻالاں کوں جنسی طور تے ہراساں کِیتے ون٘ڄݨ دے موضوع نال متعلق ہے۔
حوالے
[لکھو | ماخذ وچ تبدیلی کرو]- ↑ Stamiris, Eleni. 1986 The Women's Movement in Greece. New Left Review I. 1(158): 98–112.
- ↑ "Greece Approves Family Law Changes". The New York Times (بزبان سرائیکی ► skr). 25 Jan 1983. Retrieved 2017-02-09.
- ↑ "Greece Approves Family Law Changes". The New York Times (بزبان سرائیکی ► skr). 25 Jan 1983. Retrieved 2017-02-09.
- ↑ Anastasios C. Marcos؛ Stephen J. Bahr (جون 2001)۔ "Hellenic (Greek) gender attitudes"۔ Gender Issues۔ ج 19 شمارہ 3: 21–40۔ DOI:10.1007/s12147-001-0009-6۔ S2CID:143989412