یسرا امجد

Yusra Amjad
معلومات شخصیت
ڄَمّݨ دی جاء	لاہور
شہریت	پاکستان
عملی زندگی
پیشہ	شاعر ،  مزاحیہ اداکار

یُسرا امجد (اردو: یسرا امجد، کنوں) پاکستان دی اردو ٻولی دی ہِک شاعر، مصنفہ، اَتے لاہور کنوں سٹینڈ اَپ مزاح نگار ہِن۔

تعلیم

یسرا امجد نے لاہور وِچ فارمن کرسچن کالج یونیورسٹی کنوں انگریزی ادب وِچ بیچلر ڈگری مکمل کِیتی۔

شاعری

یُسرا امجد دی شاعری"دی مسنگ سلیٹ"، "کراسڈ جنرا"، "سٹیز"، "رائزنگ فینکس جائزہ" اَتے "جہاں آپ" پریس اُتے چَھپ چُکی ہِن۔ انّھاں دی "نسوانی مزاح" وِچ  پاکستانی معاشرے دے دقیانوسی تصوراں دا احاطہ کِیتا ڳِیا ہِے اَتے اُوہ اتھاں دی ہر دیسی (مقامی) تریمت کِیتے قابلِ رشک ہِے۔

کَم کار

یسرا دے لکھݨ دے شون٘ق کنوں ان٘ج اُوہ لاہور دے چھوہِریں دے سکول وِچ کُل وقتی اُستانی ہِن۔ اُوہ اورتناک موومینٹ دی شریک بانی وی ہِن، جین٘دا مقصد زنانیاں دی ہِک ایہو جیہیں جماعت بݨاوݨ ہِے جہڑی مزاخ دے نال ہِک ٻئے کوں اختیار آلا بݨاون اَتے مزاخ کوں اڳّوں ودھائی رکّھن۔

سماجی نمائندگی

یُسرا نے"پاکستان میں جوان، غیر شادی شدہ اور خواتین ہونے پر"  دے مُکھ نان٘ویں نال لاہور وِچ ٹی ای ڈی ایکس ٹاک کِیتا۔ ہِک کُؤاری جُؤان تریمت دی حیثیت نال اُوہ کُؤاریاں کوں آپݨی انفرادیت برقرار رکّھݨ وِچ در پیش اَڑان٘داں اُتے سوال اُٹھین٘دی ہِن اَتے افسوس دے نال اِیہ وی آہدے ہِن جو پاکستانی معاشرہ زنانیاں کوں معاشرے دے بالغ لوکاں دی حیثیت نال نِھیں بݨین٘دا۔

اُوہ اِیہ آہدے ہوئے اِیہ نتیجہ کڈھین٘دی ہِے جو "صنفی مساوات" اُتے مبنی معاشرے دی اُساری کِیتے، زنانیاں دی نقل و حرکت، مالی استحکام اَتے معاشرتی مقام کنوں انکار نِھیں کِیتا ون٘ڄݨاں چاہِیدا۔