یاسمین راشد

یاسمین راشد
فائل:Dr. Yasmin Rashid.png
مناصب
رکن پنجاب صوبائی اسمبلی
رکنیت سنہ 15 اگست 2018
حلقہ انتخاب	پنجاب صوبائی اسمبلی وِچ زنانیاں کِیتے مخصوص نشست
پارلیمانی مدت	17 ویں صوبائی اسمبلی پنجاب
معلومات شخصیت
پیدائش	21 ستمبر 1950ء (75 سال)  چکوال
شہریت	پاکستان
جماعت	پاکستان تحریک انصاف
عملی حیاتی
مادر علمی	فاطمہ جناح میڈیکل کالج
پیشہ	سیاست دان ،  ماہر امراضِ نسواں
مادری زبان	اردو
پیشہ ورانہ زبان	اردو

ڈاکٹر یاسمین راشد پاکستان تحریک انصاف نال تعلق رکھݨ والی ہک پاکستانی سیاست دان ہن۔ اوہ سردار عثمان بزدار دی کابینہ وچ وزیر صحت وی رہ چُکی ہن۔

ابتدائی حیاتی اَتے تعلیم

ڈاکٹر یاسمین راشد دا تعلق ضلع چکوال دے گاؤں نرگھی نال ہئی جتھاں اوہ 21 ستمبر 1950ء کوں پیدا تھئی ہن۔

پیدائش دے ویلے انّھاں دی امّاں میڈیکل کالج وچ زیر تعلیم ہن جبکہ والد دی ملازمت ایئر فورس وچ ہئی۔ چنانچہ انّھاں دا نِکّا لاء ݙاݙا، ݙاݙی دے نال گاؤں وچ گزریا۔ انّھاں کوں ضلع چکوال وچ واقع اپݨا آبائی گاؤں ٻہوں عزیز ہئی، جیندے نال انّھاں دی بچپن دی یاداں وابستہ ہن۔ انّھاں دا آکھݨ ہئی، ’’بچپن وچ ٻہوں شرارتی ہئی۔ سب توں وݙی ڳالھ ایہ ہے جو ہک بچہ، دادا، دادی دے کول ہووے تاں اونکوں دنیا جہان دا لاڈ پیار ملدے، شاید میکوں ایہ لاڈ میرے والدین وی نہ ݙے سڳدے۔‘‘

اوہ بھیݨ بھراواں وچ سب توں وݙی ہن، انّھاں توں چھوٹے ݙو بھائی تے ہک بھیݨ ہئی۔ تعلیم دا آغاز ساڑھے پنج سال دی عمر وچ پشاور وچ تھیا، جتھاں انّھاں دے والد تعینات ہن۔ 1961ء وچ والد دی ریٹائرمنٹ دے بعد ایہ خاندان لاہور آ ڳیا۔ اتھاں ’’کونونٹ آف جیزز اینڈ میری‘‘ توں 1966ء وچ سینئر کیمبرج کیتا۔ ول لاہور کالج برائے خواتین توں ایف ایس سی کیتا۔ کالج وچ کھیلاں وچ وی بھرپور حصہ گھدا، سوئمنگ، باسکٹ بال، ٹیپ بال تے ٹیبل ٹینس کھیݙا کریندی ہن۔

پاکستان دی سطح تے ٹیبل ٹینس کھیݙی تے ݙوجھی پوزیشن حاصل کیتی۔ ایف ایس سی وچ نمبر تھوڑے کم آئے تاں ڈینٹل کالج چلی ڳئی ہن۔ ترئے سال اتھاں تعلیم حاصل کیتی تے ٹاپ کیتا، ایں دوران نویں میڈیکل کالج بݨݨ دی وجہ توں نشستاں وچ اضافہ تھیا تاں فاطمہ جناح میڈیکل کالج وچ انّھاں دا میرٹ تے داخلہ تھی ڳیا۔ گائناکالوجسٹ بݨݨ دا شوق ہئی، ایں واسطے ڈینٹسٹری کوں خیرباد آکھا تے دوبارہ پہلے سال توں میڈیکل دی تعلیم دا آغاز کیتا۔ انّھاں نے اپݨی ابتدائی تعلیم دا آغاز چکوال دے نیلہ گاؤں توں کیتا۔ ایں دے بعد ڈاکٹر یاسمین راشد لاہور منتقل تھی ڳئی ہن تے انّھاں نے اپݨی باقی تعلیم کونونٹ آف جیزز اینڈ میری توں حاصل کیتی۔ ڈاکٹر یاسمین راشد دی شادی 1972ء وچ تھئی۔ فاطمہ جناح میڈیکل یونیورسٹی توں انّھاں نے 1978ء وچ ایم بی بی ایس دی ڈگری حاصل کیتی۔ ڈاکٹر یاسمین راشد 1984ء وچ مزید تعلیم حاصل کرݨ کِیتے برطانیہ چلی ڳئی ہن،اتھاں رائل کالج اوبسٹیٹریشن اینڈ گائناکالوجی توں ایم آر سی او جی تے 1999ء وچ ایف آر سی او جی کیتا۔ جبکہ ایف سی پی ایس کالج آف فزیشنز اینڈ سرجنز پاکستان توں 2010ء وچ کیتا۔

کَم کار آلی حیاتی

اوہ 1998ء توں 2000ء تک صدر پاکستان میڈیکل ایسوسی ایشن سینٹر، 2008ء توں 2010ء تک صدر پاکستان میڈیکل ایسوسی ایشن لاہور تے چیئرپرسن ٹاسک فورس وومن ڈویلپمنٹ تے چیئرپرسن وومن ہیلتھ کمیٹی سوشل ویلفیئر ڈیپارٹمنٹ پنجابدے علاوہ کئی اہم عہدیاں تے فائز رہی ہن۔

اوہ پیشے دے لحاظ نال گائنا کالوجسٹ ہن تے اوہ کنگ ایڈورڈ میڈیکل یونیورسٹی دے شعبہ اوبسٹیٹرکس تے گائنا کالوجی دی سربراہ وی رہی ہن۔ انّھاں نے راولپنڈی میڈیکل کالج، فاطمہ جناح میڈیکل یونیورسٹی وچ کم کیتا تے سینٹرل پارک میڈیکل کالج دے شعبہ علم الانساب دی وی سربراہ رہی ہن۔

سیاسی حیاتی

یاسمین راشد 2010ء وچ سرکاری ملازمت توں سبکدوش تھئی ہن تے اپݨے سسر ملک غلام نبی (تحریک پاکستان دے کارکن تے ذو الفقار علی بھٹو دی کابینہ وچ وزیر تعلیم رہے) دے مشورے تے پاکستان تحریک انصاف (پی ٹی آئی) وچ شمولیت اختیار کیتی۔

2013ء دے انتخابات وچ نواز شریف دے مدمقابل این اے 120 لاہور 3 توں الیکشن لڑیاں پر ناکام رہی ہن 52,354 ووٹ حاصل کیتے

جولائی 2017ء وچ عدالت عظمیٰ پاکستان نے پاناما کیس دا فیصلہ سݨاندے ہوئے نواز شریف کوں نا اہل قرار ݙے ݙتا۔ تے حلقہ این اے 120 (لاہور 3) وچ ستمبر 2017ء ضمنی انتخابات تھئے، پی ٹی آئی نے یاسمین راشد کوں امیدوار نامزد کیتا۔ البتہ اوہ کلثوم نواز شریف توں ہار ڳئی ہن۔