یارمحمد رند

بلوچیں دے جد امجد محمد بن ہارون النومیری دے پتر اکبر میر جلال خان اول توں میر جلال خان دوم تک تے میر شہیک رند دے پتر بلوچ تاریخ دے معروف ہیرو میر چاکر خان رند "دی گریٹ" جیہاں ہمہ گیر شخصیتاں نے جیہڑے وݙے قبیلے دے ممتاز ٹٻر وچ جنم ڳھدا تے تمام بلوچیں کیتے قابل احترام سردار یار محمد خان رند ہک منفرد تے نامور شخصیت ہن۔ سردار یارمحمد رند کوں مختلف ادوار وچ ترائے دفعہ وفاقی وزارتاں دی پیشکشاں تھیاں مگر انہاں نے اصول تے روایات دے خاطر انہاں دلکش پیشکشاں کوں قبول کرݨ توں معذرت کر ݙتی۔ سردار یار محمد رند ہمیشہ ڈسپلن تے پابند حصول دے منشا تے کاربند رہے ہن۔ انہاں نے عملی سیاست دا آغاز چیرمین ضلع کونسل کچھی توں کیتا۔ ضلع کچھی بعد وچ ݙو اضلاع بولان تے تھل وچ تقسیم تھیا۔ 1985 توں 1988 تک اسٹیٹ آف پاکستان دے رکن بݨیے تے قومی اسمبلی دا الیکشن جیتا۔ 20 مارچ 2019ء کوں تحریک انصاف بلوچستان دے صدر تے رکن صوبائی اسمبلی سردار یار محمد رند کوں وزیر اعظم دا معاون خصوصی مقرر کر ݙتا ڳیا، بعد وچ صوبائی وزیر تعلیم بݨے۔