یاداں ہِن سرمایہ

قیس صاحب دے آوݨ توں پہلے گورنمنٹ ہائی سکول میانوالی شیخاں اساں موجود ہاسے ۔ ایں توں پہلے میں سکھر اچ پڑھیندا ہم ، میݙے استاد قیس فریدی صاحب میݙے کنے سکھر تشریف گھن آئے ۔ تقریباً ݙو ڈھائی مہینے میݙے کول رہ ڳئے۔ میں انہاں دی ملازمت واسطے وݙی کوشش کیتی جو روزگار اتھائیں یعنی سکھر اچ تھی سڳے پر ملازمت دا سنجوک سکھر اچ نہ بݨ سڳیا تے او واپس چلے ڳئے ۔

اُستاد نال گزریاں یاداں ٻہوں ءِن ، ڳالھیں وی ڈھیر ساریاں ہِن ، پر اَڄ دی کچاری ءِچ قصہ اِتھائیں مُکیندوں اللہ کوں منظور ہوسے تاں وَل ٻیاں ڳالھیں یاد کریسوں تے تریخ دا حصہ بݨیسوں ۔ بُھل چُک دی معافی ۔ میݙیاں ڳالھیں پسندآوِن تاں میݙے حق ءِچ دُعا کریجو ، غلطیاں ہوسن ، تساں نشاندہی کرو تاں جو اڳوں اصلاح تھیوے ، میں سارے وطن وسیب سانگے دُعا کرینداں ۔ اپݨے پُتریں تے ’’جھوک‘‘ کوں دُعا ݙینداں جو کتاب دا وݙا تے تاریخی کم تھی ڳے۔

اے ہِن کجھ یاداں جیڑھیاں میں تہاݙی خدمت اچ پیش کیتین ۔ میݙی کوشش ہوندی اے جو ہر کتاب اچ کجھ نہ کجھ یاداں شامل کراں کیوں جو اے وی تریخ اے ۔تریخ توں فائدہ صرف میݙی اولاد کوں نہ تھیسے پوری سرائیکی قوم کوں تھیسے تے اساں اے کم کریندے راہسوں ۔ انشاء اللہ

دعاگو

حوالہ

کتاب "قیس فریدی ۔ فن شخصیت اَتے شاعری "  ترتیب پیشکش  : مہر حامد علی شاکر سیال ، ناشر جھوک پبلشرز ، ملتان