ہیما مالنی

ہیما مالنی
(انگریزی : Hema Malini)
معلومات شخصیت
ڄم	(1948-10-16) 16 اکتوبر 1948
شہریت	بھارت
جماعت	بھارتیہ جنتا پارٹی
شریک حیات	دھرمیندر (1980–تاحال)
اولاد	ایشا دیول
مناصب
رکن راجیہ سبھا
برسر عہدہ 27 اگست 2003  – 26 اگست 2009
رکن سولہویں لوک سبھا
رکنیت سنہ 16 مئی 2014
پارلیمانی مدت	16ویں لوک سبھا
عملی زندگی
پیشہ	فلم اداکارہ ،  فلمی ہدایت کارہ ،  فلم ساز ،  رقاصہ ،  ٹیلی ویژن اداکارہ ،  سیاست دان ،  ٹی وی پروڈیوسر
کارہائے نمایاں	سیتا اور گیتا ،  شعلے ،  ستے پہ ستا ،  دِل آشنا ہے ،  باغبان
اعزازات
فنون میں پدم شری   (2000) فلم فیئر اعزاز برائے بہترین اداکارہ (برائے:سیتا اور گیتا ) (1973)
	IMDB پر صفحہ

ہیما مالنی ہک بھارتی فلمی اداکارہ، لکھاری، پروڈیوسر، ہدایتکار، رقاصہ تے سیاست دان ہن۔ ہیما مالنی کوں ہندوستانی سینما دی تاریخ دی کامیاب ترین اداکارہ سمجھیا ویندے۔ انھاں نے فلمی کیریئر دا آغاز تامل فلم ادھو ستھیم نال کیتا۔ سپنوں کے سوداگر (1968) انہاں دی پہلی فلم ہئی جیندے وچ اوہ مرکزی کردار وچ نظر آئین، ایندے بعد اوہ مسلسل فلمیں وچ مرکزی کردار ادا کریندی رہین۔ اوہ زیادہ تر فلمیں وچ راجیش کھنہ، دیو آنند تے اپݨے پئے دھرمیندر دے نال نظر آئین۔ ہیما مالنی کوں ڈریم گرل دے طور تے سݙیا ویندا ہئی تے ایں ناں دی انہاں نے ہک فلم وی کیتی۔ ہیما مالنی نے مزاحیہ، ڈرامائی، المیہ تے رقاصہ ہر طرح دے کردار نبھائے۔ 1976 توں 1980 تک اوہ سب توں زیادہ معاوضہ گھنݨ آلی اداکارہ ہن۔

اپݨے کیریئر دے دوران 11 واری انہاں کوں فلم فیئر ایوارڈ دی طرفوں بہترین اداکارہ دے ایوارڈ کیتے نامزد کیتا ڳیا، 1973 وچ ایہ ایوارڈ جتیا۔ 2000 وچ ہیما مالنی نے فلم فیئر لائف ٹائم اچیومنٹ ایوارڈ جتیا تے ایں سال انہاں کوں ہندوستان دی حکومت دی طرفوں پدم شری نال وی نوازا ڳیا۔