ہیر رانجھا
سرگودھا ڈویژن وچ تخت ہزارہ دی ہک مشہور وستی ہے۔ رانجھا اتھوں دے وݙیرے دا سب توں چھوٹا لاڈلا پتر ہئی۔ پیؤ دی وفات دے بعد بھرانویں دے سلوک توں مایوس تھی تے رانجھا گھروں نکل پیا تے ہیر دے وطن جھنگ آن پہنچا۔ دریا دے کنڈے تے ہیر دے کونٹے وچ اوندا حسن دے ایں شہکار نال ٹاکرا تھیا تاں ݙوہیں ہک ٻئے اڳوں دل ہار بۃیٹھے۔ رانجھݨ گھر ٻار وِسار تے ہیر دیاں منجھیں چارݨ لڳ پیا۔ عشق دی آوی تپی تاں بھا دے لمبے جیݙے کیݙے پُڄے۔ ہیر دے پیؤ فوراً دھی دی شادی موضع رنگ پور دے کھیڑے سیدے نال کر ݙتی۔ رانجھا ضلع جہلم وچ جوگی گورکھ ناتھ دا چیلا بن تے کجھ عرصہ بعد جوگی دے ویس اِچ رنگ پور پُڄا۔ہیر اپݨی ننان سہتی دی صلاح نال نانگ توں ڈنگیجن دا بہانہ کیتا۔ جوگی ماندرے دی حیثیت نال ہیر دے علاج کیتے سݙوایا ڳیا تے ایں طرح موقعہ ڳول تے ہیر رانجھا ݙوہیں اُتھوں بھڄ ڳے لیکن رستے وچ اِی پکڑئیے ڳے۔ کوٹ قبولے دے قاضی اڳوں مقدمہ پیش تھیا اوں رانجھے دے حق وچ فیصلہ کیتا تے ہیر رانجھے کوں مل ڳئی تے ݙوہیں عرب شریف روانہ تھی ڳے۔
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان